24h購物| | PChome| 登入
2009-01-30 18:46:13| 人氣70| 回應7 | 上一篇 | 下一篇

初三+初四-1751,1752

推薦 0 收藏 0 轉貼0 訂閱站台

28/1-1751

約好朋友去黃大仙拜神, 近幾年都習慣新年過後去還還神, 買下玉仔, 平安符等等, 今年比往年多人好多, 有好多警察係度控制人流, 幸好晏左去, 逼左一陣就順利還完神啦!! 之後去食壽司, 搭埋mtr去jusco逛街街, 估唔到比我依個大近視妹, 老遠都見到kuromi床單, 點解之前同媽咪未見過依個款, sales講原來係新返架~~ 二話不說忍痛都要買.......因為一套都要800幾, 就算唔要張夏天被.....買完之後左唸唸右唸唸, 之前媽咪都鍾意左一套床單, 如果買比自己唔買比媽咪會唔會好自私?? 但係買多套真係好貴.......最後......良心過意唔去..一係一齊唔買, 一係一齊買.....最後二套都要哂........成為新年過後最貴買既野啦!!

其實老公好唔鍾意kuromi, 佢話我鍾意乜, 佢就最討厭bor.....哈..今次返來仲唔怕, 成套床單都係kuromi.....^^ 仲唔想個kuromi惡夢
 
29/1-1752

好耐無唱k, 估唔到宜家唔係無限唱, 不過最後都無趕我地走, 但係比之前既價錢好似貴左好多咁........每人食埋飯都要300蚊埋單...算啦!! 一口氣比我唱左成6小時, 把聲都沙埋先走......算係當鐘計都ok~ ^^

唱完之後成個散哂................

台長: 比比
人氣(70) | 回應(7)| 推薦 (0)| 收藏 (0)| 轉寄
全站分類: 不分類

Mandy ^o^
我好鍾意你套KUROMI床單連被呀...不過真係好貴呀, 我平時買FOREVER FRIENDS 都唔洗咁貴...最貴個次都係七百幾, 但...九百幾...真係唔太拾得添!
2009-01-31 22:31:14
phoebe
應該記錯左, 因為我買二套total$1745, 今日睇番原來媽咪個套先係900幾, kuromi依套800左右炸.....hee!! 不過我唸遲下佢舊款d會做discount, 因為宜家見melody, 大口仔等等做到好平呀, 但係kuromi, hello bb新款就無囉.....
2009-02-01 00:11:49
Tracy
嘩.......kuromi ar...好靚呀..成800蚊一set...咁貴架我想問同普通個d有唔同呢???
依家唱k真係好唔抵仲要成日趕人...如果想任唱只可以唱餐就可以唱天光啦
2009-02-01 15:55:34
PHOEBE
宜家jusco做緊卡通大口仔, melody床單好平呀!! 不過就無kuromi, hello bb囉..查實已經好似有9折架啦...但係都貴囉...因為我係加大size, 而且係床單+被袋, 你唔要被袋, 300幾蚊之嗎......

唱k最後都無趕走, 但係真係唱到夠哂, 宜家玩真係唔及你啦......
2009-02-01 23:41:45
車車
哇哈哈,我好鐘意維尼話你鐘意咩,佢就討厭咩呀,以你既性格係唔會理佢咁多,鐘意買就買,隨時因為呢句說話仲要買多左添,卡卡

另外你去黃大仙有冇求簽呀?我都年年跟奶奶去架,不過你係唔係講錯左呢?新年去係拜神作福,做冬之前先係去還神,如果新年去左拜神既話,年尾就要還神,不過係屋企還神都得,唔一定要去黃大仙架
2009-02-02 09:54:29
phoebe
我無咁傳統架, 只係新新年去炸.....^^ 習慣左咪年年都去囉...但係我無求簽架....

你知我性格架啦..同我作對.......有咩下場........遲下全間屋都會變kuromi之家......佢討厭唔到咁多架啦.....呵...........
2009-02-02 14:18:14
車車
我就係想睇下你屋企幾時變kuromi之家,記得叫我參觀呀,卡卡
2009-02-02 14:28:51
是 (若未登入"個人新聞台帳號"則看不到回覆唷!)
* 請輸入識別碼:
請輸入圖片中算式的結果(可能為0) 
(有*為必填)
TOP
詳全文