24h購物| | PChome| 登入
2008-12-01 17:41:17| 人氣99| 回應4 | 上一篇 | 下一篇

氣頂-1692

推薦 0 收藏 0 轉貼0 訂閱站台

30/11 - 1692

氣頂, 夜晚比媽咪炸到訓唔到, 朝早又比屋企人瓜瓜嘈, 從未試過訓得咁辛苦, 不過再忍多幾日就可以終極解脫。

起身望望大哥霸住睇電視, 小do又係書房做功課, 真係唔知究竟做咩好.....最後唸住叫小do出飯廳做功課, 自己可以用下電腦, 點知佢竟然發脾氣, 話我好用得耐。 真係妹仔大過主人婆? 間屋又係我, 間房又係我, 部電腦都係我, 竟然敢向我發脾氣, 又鎖門又霸住部電腦。 氣頂~~

最後嬲到震, 出廳拎番老公之前送比我盒puzzle拼, 就係咁.......唔駛一晚就拼好, 原因係無電視睇, 又無街出, 又無電腦用, 又訓唔到覺囉~~ 突然有一種家不成家既感覺, 自從買vc返來之後, 第一次咁討厭佢.....討厭到不斷去睇新樓盤, 好想搬......不過冷靜落來唸, 旅行返來佢地就會返屋企.....忍~~

有陣時唸永遠只有蝦蝦霸霸既我, 都會比屋企人蝦, 簡直係格食格, 依幾日媽咪同呀哥不斷講, 要我比番個電腦mon錢.....氣頂程度簡直想爆, 用爛既係佢地, 日日關電腦唔關mon, 點解要我比錢賠? 如果計得咁清楚, 依幾個月, 屋租, 管理, 電, 水, 煤, 咁係唔係要按人頭收番呀?? 簡直就快爆.......人都癲, 越來越打橫來講........真係當我傻架?? 唔出聲好蝦d咩?? 點解連親人都食得就食.......

宜家明白點解要嫁人, 要結婚......無血源關係既人, 竟然會如此遷就我, 關心又識體諒我, 講真老公未試過咁蝦我, 咁同我斤斤計較~~ 唔會食得就食...得寸進呎.........所以今日傾電話, 我好大聲講, 我比人蝦......因為一向老公係身邊都無人敢蝦我架.....真係如老公所講, 想找死呀~~

最感動係.......老公今個月比多左家用我~~ ^^ 咁我就可以去下街街, 平衡下唔開心既心情啦~~ 好快就可以見面........唔駛再唔開心再比人蝦啦~~

我要檢舉
台長： 比比

您可能對以下文章有興趣

人氣(99) | 回應(4)| 推薦 (0)| 收藏 (0)| 轉寄
全站分類: 不分類

我要回應
Tracy
你依幅係咩puzzle黎架...好花既路線圖ar
2008-12-01 21:39:04
車車
忍啦忍啦,有老公鍚就乜都得架喇,同埋都就返去維尼度,開心D啦,唔好理佢地啦,千祈唔好比返mon錢呀,再狠心d,今次去旅行唔好係咁買野比家人喇,買少少好喇
2008-12-02 09:42:45
Phoebe
Tracy>依副係london既underground tube map呀!! 似唔似宜家香港既mtr呢??

車車>>其實我份人都係嬲一陣, 嬲完就無野架啦~~ 買少少野? 未出發已經order好多野, c&e必買, 可能加埋頸巾, 單係uk都勁好多野要, 唔敢唸去埋法國有咩後果。 個mon錢唔比架啦~~ 因為出發之前媽咪落order要我比番裝修錢呀哥...成個英文course咁貴...所以未出發先......嗚~~
2008-12-02 13:23:57
車車
你呀,你呀,唔好話我教壞你呀,你唔好成日比人感覺維尼搵好多啦
你鍚屋企還鍚屋企,我覺得唔可以係咁比佢地食住囉
近排我覺得啦(真係我覺得咋下)你屋企成日都同你講錢,比我,我會唔開心架
同埋戒左去旅行係咁買野送比人既習慣啦,唔係話自唔自私,次次都買大半喼野送比人
錢呢?留係自己個袋,總好過同人一齊分,同埋到底宜家收你禮既人,係覺得你有心定已經係奉旨呢?
你要好好計劃你既家庭架喇,唔係叫你唔好買手信比家人,人人有份,一人一樣就夠啦,唔駛下下都買到一人一大袋架,明唔明?
2008-12-02 16:00:22
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文