**北海道第二天之開心生日之旅-1596**＠內心世界~

2008-09-13 17:21:26| 人氣135| 回應4 | 上一篇 | 下一篇

北海道第二天之開心生日之旅-1596

推薦 0 收藏 0 轉貼0 訂閱站台

2008-8-25 (我們的生日)

忘記尋日的不快, 今日是我們的生日, 當然要開開心心啦!!

酒店餐廳食完個快餐之後, 立刻開始今天的行程.......
旭川企鵝趣緻動物園, 由於我們是第一團到達, 所以企係門口等了一陣先可以入去.....地方唔算太大, 由於冬天先可以睇企鵝巡遊, 所以有點失望, 唯有係欄出面望望牠們啦!!

跟住當然去睇北極熊啦!! 電視就睇得多, 未見過真熊, 估唔到真係咁大隻? 講真如果企近少少都幾驚架~~ 可惜無熊bb睇, 館內得一對熊, 大隻少少好似男既就周圍行, 細少少個隻就訓到唔願郁.........另外一邊有一隻就周圍行.....

唔通真係咁無聊?? ^^

館入面當然仲有其他動物睇啦!! 不過就無企鵝同北極熊咁吸引, 可能覺得周圍動物園都有依d動物睇卦......反而最感興趣就係太陽花.....未見過成個人咁高既太陽花...仲有真係大過你個頭架~~ 如果可以全個山都佈滿太陽花就非常壯觀啦!!

離開動物園, 我們便出發去富良野, 首先去整薰衣草枕頭。 (團費包), 一人整番一個之後, 就去食lunch, 每人一個爐仔煮bbq....食完之後就開始蜜瓜放題......由於一個蜜瓜切開八片, 每個為3000yen, 所以我們d團友就開始玩勁食比較.....哈..有個daddy真係勁, 一個人食足九片....一個有多...簡直係番哂本......而我們都唔輸蝕, 同老公夾番都食到九片...哈...都有一個呀!!

食完之後就出發去富良野睇花, 但係估唔到咁凍, 凍到我們要搭flower land既車去望下花海算啦!! 每人好似要1500yen......但係搭一陣, 都唔係太抵....

跟住又拎出到此一遊死就死既心態, 豁出去, 唔理會究竟幾大風, 幾凍....快快跑去睇花, 影相.......講真又唔係咁壯觀, 或者係花期既尾聲, 而且真係flower land周圍先有花, 遠望出面就無哂花。

不過總算履行老公當年既承諾.......
{{我會比心機搵錢, 將來生日帶你去睇花海}} 就係因為依一句, 所以我們今年就來到北海道........將n年前既承諾活現眼前啦!! ^^

睇完花就快快返酒店, 因為TOMAMU SPA渡假酒店地方好大, 而且有個大大既游泳池可以去玩水, 當然團方面一定留番充裕時間比我地去玩啦!!

由於依個係波濤式暖水泳池, 所以定時有波浪既時候, 我就要上水, 因為怕又浸親!! (細個試過)..HEE..但係估唔到入面仲有個分池, 有好多按摩池...好正呀! 又無人好舒服, 同老公係咁玩水, 玩到傻左..........

玩完之後去酒店食自助餐...........其實唔去食自助餐, 酒店入面N咁多間餐廳你都可以去...不過算, 大圍去邊就去邊, 而且自助餐想食咩食咩..應該唔會餓親........而且D CAKE CAKE好好味, 食到反肚就返房LU~~

準備聽日變態自行之旅........就係凌晨4點去睇雲海...........^^

**今個生日好難忘..........老公多謝你呀!!** Happy Birthday~~

我要檢舉

台長：比比