近日睇到esd驗身topic有以下對話, 睇完之後笑到收唔到聲......
((不過家長指引level))請注意......
topic - 家計會婚前驗身
以下資料比你參考一下 (我都下年結婚, 所以而家去驗身) :
我3月29日打去家計會 (九龍) 預約, 佢叫我 3月31日下午可以去 [抽血] 同交 $1200 (一對). 好快喎~
之後大約11個星期左右, 就會通知我地返去睇報告喎~ (6月19日)
以下係 3月31日去完家計會既細節 (九龍區).
1. 去到家計會3/F, 即時比左份表你地填上個人資料, 同埋有一項, 問你地是否加 $ 驗埋 [肝功能 $200], [腎功能$100], [AIDS $150-$500] 同 [地中海貧血病分析 $500].
2. 之後交錢 - $600/人, 如有選擇加以上其他項目的話, 就一併交費.
3. 跟住就比左一隻 [婚前CD], 同埋比左一個小瓶比我 BF, 係要用黎留 [精精] 既, 不過唔係即時要留 .
4. 姑娘會比埋每人一張 [掛號証] 比每一個人, 後面定左你地邊一日邊個時間返去睇報告同見醫生. 到時, 先至 CHECK 其他野 (尿液化驗同身體檢查). 第一次去, 只需抽血同交 $$.
4. 之後就等叫名入房 [抽血], 過程好簡單.
5. 跟住...走人 !!
但最攪笑一樣野, 我同我 BF 足足笑左成晚..... 係姑娘今日派比我地, 關於留 [精精] 需知, 以下寫少少比你地知.
1. 檢驗精液前三日內, 避免射精.
2. 可用自慰 (自瀆 / 手淫)的方法收集精液 (即是用手刺激陰莖, 以達至射精).
3. 已有性生活者, 亦可於性交時以引退方法, 用驗精液瓶盛載精液.
4. 精液必須直接盛載於診所發給的驗精瓶內, 切不可用避孕套裝載.
5. 交精液時, 請帶用掛號証及緊記取出精液之時間, 以便工作人員記錄.
6. 為使檢驗結果準確, 精液在取出後, 必須於一小時半內送到家計會.
7. 送交精液前, 必須預約. 電話預約時間為星期一至星期五, 下午一時至五時.
8. 送交精液樣本的時間為 :
九龍區家計會 : 星期一至星期六 (星期六隔週開) 9:00am ~ 10:00am
香港區家計會 : 星期一至星期五 9:00am ~ 9:45am
好笑既地方係.....
1. 要預先決定幾時 [射精]...
2. 交 [精精] 只限早上果 1 個鐘頭 (香港區只有 45分鐘添)..... 而 [精精] 又要在取出後 1.5小時內送到家計會..... 即是, 大家到時首先要諗定邊朝早 [射精], 然後一早起身, 就要立即 [開工]......[開工] 後, 就要趕頭趕命將 [精精] 交到家計會....
3. 因為收 [精精] 時間係大約 9:00am ~ 10:00am, 所以, 好有可能大家果朝早
都要請假.....理由係.....要 [打飛機], 或者同 [老婆仔做愛] 笑死我啦 ~~
而家我地諗緊用 [引退] 方式, 定係 [自慰] .... 因為, 要好快咁 [引退], 又要唔好用 condom, 又要好準確咁一抽出黎就對正小瓶射入去...好有難度囉
另外, 我今日打左去家計會, 準備過兩日交 [精精].
點知佢話 fully booked, 好多人交 [精精] 喎 我地要交的話, 都要去到 6月中至可交
因為如果想見醫生時, 醫生解釋埋 [精精]報告, 咁, 就要在見醫生前 3-4 星期, 先去交 [精精], 咁份報告至夠時間去到醫生度.
另外, 見醫生 --> 冇得選擇 [男] or [女] 架.
大致上係咁啦 ~
**((睇完之後..笑到半死...不禁講一句(家計會)的確好野))**
老公..我地住新界區唔駛唸架啦..飛的/渣車都趕唔切...hee
文章定位：
