2003年12月31日 星期三
我原本較Alarm係8點鐘,但係我7點半就起左身啦,可能係本能,因為我知道我今日唔可以Late......起身沖涼換衫就去天水圍搵Adam,佢好好人咁今日陪我出去,我地11點就出到Airport,落車竟然有人拍一拍我,原來係Cody,原來我地係同車架.......之後就去左美心金閣搵Joyce,去到之後傾左陣,之後就去Departure Hall到影相,到呢個時候,我仲未感受到分離既感覺,差唔多12點佢就入閘啦,佢好叻女咁強忍住淚水同我地Say Goodbye,見住佢入去,我真係冇乜感覺.......不過我知道佢入左去之後就喊到收唔到聲..........Joyce佢真係走左,我地今次真係一別可能要兩年之後先有機會再見............我地之後就撘車返去,途中Joyce都有打俾我,佢同我講佢Ready起飛啦,我同佢講我仲欠佢100蚊同我既電話同地址,呢一刻佢真係飛走......返到去元朗就同阿媽飲茶,飲完之後就上Adam屋企,當我拎起電話睇『已撥電話』,見到Joyce個名,我竟然打俾佢,但我知道一定無人會再接,打通之後係佢既Voice Mail,好傻,但完全唔知點解我會咁,我初時以為只係若有所失,原來我係有唔捨得,我一路打Dairy,Adam就訓緊覺,好寧靜.我一路打Dairy,已經想喊想喊,之後我就打多次去Joyce既手提,聽到佢係Voice Mail果把聲,眼淚終於忍唔住流出黎,果種感覺就好似果陣我去左Brisbane,一個人靜靜咁聽Joanna錄俾我果盒錄音帶咁,一聽到佢地把聲,我就按奈不住咁痛哭.........好唔舒服...........好痛.........想痛痛快快喊一場.........但哭不出來,我依家只有垂淚............我真係好想好想喊........點解都咁難?
Joyce: 我依家期待你話我知你平安到埗,記得我琴晚同你講過既野.......期待再同你相見的那一刻.............我會同自己講兩年好快就過.............而你亦可以睇我既Dairy知道我既生活.........因為我會繼續寫落去...............
『妳處身何方 於哪位置
很想講你知 一些最緊要事
是雨是睛白晝與零時 總牽掛住
問誰令我朝想晚思
妳可知 時差的最壞處
它可分開世間 可將兩心變異
願每天傳達一聲一語 當中意義
變成最驚喜的句子 令時日也似被停住』
打完Dairy之後,發生左一件事,我真係好唔開心..............................
之後我係Adam屋企就咁坐,到10點幾,我就話要出去啦,我同Adam出到元朗,Adam就叫左小白出黎,小白真係好,好快就出到黎,之後我地就諗住行去新B仔,點知麟仔打黎話佢到元朗,之後就由麟仔車我地去啦,第一次坐佢架新車,我都揸過,唔錯.......由我等麟仔直至食糖水,我都係同Rachel傾緊電話,我地兩個都有好多野煩,自從係Brisbane同Rachel兩個同居一個月開始到依家,我同佢真係Friend左好多,某程度上我已經當左佢係我一家人,佢可以話係我另一個家姐咁,不過我好似幫唔到佢D乜.......我地係新B仔食糖水,11點幾就走,之後就車左小白返屋企,我地就吹下風,之後麟仔就車我地返屋企啦..................期間我地都有同Ivy傾左好耐電話。
P.S. 可能大家睇完我呢篇Dairy之後會有唔到既聯想同諗法,我諗我都知你地點諗,但係我自己係有另一個諗法,而我覺得唔需要去解釋,因為總有人會明白再見亦是朋友呢個道理......
小白: 多謝你啊,我知點做架啦,今晚多謝你陪我啊............................
文章定位：
