新聞| | PChome| 登入
2003-12-31 16:31:00| 人氣21| 回應0 | 上一篇 | 下一篇

Last Night

推薦 0 收藏 0 轉貼0 訂閱站台

2003年12月30日 星期二

今朝10點幾就起身,11點幾就同阿媽,阿妹出去食Lunch,食到12點幾就返屋企沖涼換衫出去,我先出左去黃金換Printer墨,之後就係聯合行左陣,之後就返元朗買野俾Joyce,我買左個曖水袋俾佢,因為佢去New York讀書,而佢又最怕凍,暖水袋可以係佢訓覺果陣攬住冇咁凍咁訓,我諗呢樣野會比較岩佢,而且我除左呢樣野之外,我真係再諗唔到可以買乜俾佢,之後就返屋企啦。返到去無耐,我就揸車出去諗住拎到去佢屋企俾佢,點知佢原來係銀座準備打腦炎針,所以我就去搵佢啦,除左曖水袋之外,我仲送左我係Australia Ekka整果個有佢名既車牌俾佢,去到診所.俾左份野佢,坐左陣,我叫佢返到屋企先睇係乜,因為我覺得佢見到份野會失望,我唔想見到佢失望個樣.........5點幾我就返屋企食飯啦。食完之後我就出元朗,因為約左班粉腸唱K,返黎咁耐第一次去唱K,我地由7點幾唱到12點幾,唱K途中阿欣(Sam Ho個朋友仔)都黎左,難得有女聲即刻叫佢合唱啦,先同佢唱左隻『他都不愛我』,估唔到平時講野把聲怪怪的既阿欣,唱歌又幾好聽架喎,估佢唔到,哈哈哈哈哈................

唱完就返屋企啦,返到去坑尾村站,一落輕鐵就收到Joyce既電話,一路傾到返屋企,Joyce終於忍唔住喊左出黎,果陣個心真係好唔舒服,上到房就打返俾佢,今晚係我地係香港最後一晚傾電話,雖然講既野唔多,但係我地都知道我地之間有好多野都唔需要講出口而大家都會明白,佢同我講佢話佢好鍾意個車牌,佢話兩樣都會拎埋過去,佢仲話估唔到我真係咁細心.........我地傾左個幾鐘,記得好似差唔多兩點幾就收線啦,因為佢聽日12點半機要早起身,而我聽日都要早起身去送佢機...............

我要檢舉
台長： 尚未設定
人氣(21) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文