尚未設定 尚未設定

43愛的鼓勵 0訂閱站台

17th February 2005

琴晚成晚都係『蚊子纏身』, 訓唔到, 好炆, 打蚊打到講哂粗口, 最後決定唔訓.........
0800出到元朗同阿媽同彪伯娘飲茶,
飲完同阿媽去左入支票, 幫阿妹買下野, 仲有做左一件今日最錯既事 - 剪髮
剪完之後頹Q哂, 短左好多, 『摷』唔起個頭, 攪到我今日餘下既日子都係戴冷帽.......
1440行去天水圍搭車過海, 因為約左同事們今晚唱k聚一聚,
不過先陪左Cherry去左中環睇醫生, 都唔知我同佢係唔係命格不合, 我一返工佢就身病同心病乜都有哂, 嘩哈哈哈哈.........
之後同Cherry返灣仔拎相同埋join埋Phoebe, 一路行去搵Phoebe, 一路幫Cherry搵緊hotel有冇人岩佢, 點知見到Phoebe就燒左過佢度, 之後成晚佢就成為左我同Cherry既話題, 嘩哈哈哈哈.........
1800開始唱K, 不過阿Roi, Carrie同Winnie遲D先到, 我地三個就唱先, 唱到死,
1910, 佢地三個都黎埋, 不斷係度影相, 同埋影Phoebe相, 好玩..........
2100唱完, 之後去左銅鑼灣杏花甜品果度食糖水, 八左好多野返黎, 傾到2300左右就各自回家啦..........

返到天耀, 同Adam hea左陣, 去左買宵夜食, 傾左陣, 0115就返屋企啦, 唔該阿何生記得幫我買野啊, 我俾左錢你架啦, 你寄唔到俾我你就死俾我睇...........

P.S. 今晚玩得好開心, 佢地真係好好玩, 希望年尾,even以後,大家又出黎再聚一聚啦, 你地有野要我幫你地買既就搵我啦, I Would Be Delighted, 嘩哈哈哈哈.........
Anyway, Thanks Roi, Cherry, Carrie, Winnie & Phoebe, All The Best To You Guys.........

聽日就搭飛機返Brisbane, 仲有8個幾月就讀完U Graduate, 俾心機..........
________________________________________________________________________

16th February 2005

琴晚成0300先訓, 訓到今朝1100就起身, 洗埋衫就出MK搵Vivian, 阿Kit, 達達同細佬食Lunch, 順便拎埋我屋企既佢地D車既Key, 如果唔係都唔知點返屋企啊返到過去, 食完果個死人頭Vivian又趕住走, 之後就同佢地行下買下車既用品, 買完行左陣無聊既街, 頹哂.............

Join埋何Sam hea左陣, 1915join埋Ivy姐食飯, 一如以往, 第一次同佢食飯, 亦都係最後既一次, 爆型啊佢........
去左食韓燒, 傾左好多閒計, 食完佢又同我爭俾錢, 不過上年佢請左, 今年我請, 如果唔係我會爆唔好意思, 之後join埋Joanna, 行左陣就去左間上樓既Cafe飲野,
都唔知點解我既女仔Friend同Joanna第一次見面, 都可以咁好傾既, 傾到2400就走啦, Thanks For Your Coffee, Ivy..........
送左Joanna返屋企, 激死, 你幾時先可以識得Mature呢?
返到屋企0100...........