南之私心事 很久沒有打日記了,各位賞面不妨看看呢!

38愛的鼓勵 0訂閱站台

上星期六...與女朋友仔睇麥兜....

開頭好好笑...之後唔知講乜...

睇現場觀眾既反應就知啦.....

開場同中途既情緒係完全唔同既.....

 

睇完戲就去食飯.....

之後就返屋企lu!

 

上星期六前我已經五日無見過女朋友仔....

以我地既見面密度黎講...真係好少會咁耐無見...

所以見到佢既時候...唔知做乜格外開心既...

暑假成日都見...係開心...

但係小別後再見返對方...原來果種開心係好難去形容...

遲d馬季開鑼...大家會見少d...

經過今次之後...我知道我地既感情會一樣咁好

 

星期日.....朝早上左姨媽度...

因為媽咪叫我將一d印花比佢...

然後就去左中環半山食飯....

間餐廳好古舊...70年代feel...不過好鐘意呢d餐廳

之後就落左去行書局....

然後就返屋企勒....

夜晚十一點半去中港城二樓接女朋友.....

對上一次去二樓...係上年暑假同阿中食飯...

估唔到下一次再去..係接自己個女朋友.....

 

星期一....老細返左黎....

因為我另一個同事請假...所以得我同老細兩個人....

老細同我講左好多野....

仲趁公司無人既時候...同我傾左好多平時唔會傾既野....

叫我可以放膽去講......

 

佢對我既信任...關心...同埋期望...

今次既對話更加體會得到...........

 

佢對我講...遲d會將一d權會交比我...

佢會比我學多d野...增值自己0係報業評馬界既知識...

提升自己0係行內既地位.....甚至係點樣自負盈虧....

等佢認為我有管理能力之後...

佢會將公司既營業額百分之十比我...

但係我要面對既困難會更多....付出既努力會更多.....

總之要比心機...

佢話好欣賞我0係暑假入面不斷增加自己既評馬功力....

好欣賞我既上進心......

 

佢已經同我講左我來季收入會再增長....

但係一切要睇我自己既努力....

我同佢講左我預計四年後會結婚...

佢笑笑口咁我同講︰咁更加要比心機勒...

結婚開支好大...好多野攪架....你識做時我都識做...哈哈!

 

佢仲同我講左好多野...未能盡錄....

一切佢對於我既支持...我會擺0係個心度!

 

佢同我講左一d關於女朋友既野...

再同我商量左公司一d計劃之後..大約一點佢就走啦....

呢個計劃係佢0係日本旅行既時候諗返黎..

我好佩服佢對工作既熱誠同毅力......

 

事實上..我老細白手興家.....

由好低下階層做到而家住豪宅....有工人...

楂benz...個仔讀國際學校...個女讀英國一間大學...

(無記錯好似係牛津...)...仲要係馬會會員...

如有心水更加會養馬.....

金融海嘯下佢依然可以去成個月旅行....

對佢好似一d影響都無咁...

我真係勁佩服佢..............................

 

佢同我講完呢番說話之後...我不斷咁思考....

我遲d睇既書...唔再係兩性或者勵志既書...

而係工商管理既書.....

 

夜晚出去同女朋友仔去睇laughing gor....

由佢屋企行到奧海城....

不斷同佢講返好多關於老細0係晏晝同我講既說話.....

其中更包括一d我一向只會向我最信任既人既心底話....

可見我已經視阿儀係我最重要既女人......

 

阿儀聽左之後...好開心....仲不斷咁鼓勵我....

因為佢認為佢一直都認為我好叻...

佢知我付出好多....所以將來成就會好高....

佢對我講...事業有成就固然係好...

但係如果即使係唔得...佢都唔會想我比太大壓力自己....

 

我曾經對阿儀講過...我唔會比佢將來跟住我捱...

我一定會盡能力比佢過最好既生活.......

我要比佢知道...同我一齊係正確既...

阿儀話淨係我對佢咁好...已經好值得......

 

給女朋友:

好多謝妳對我既支持.....

我真係好多謝妳對我既真心...

我真係好多謝妳....

雖然遲d大家會少d見...

但係妳講左好多野...做左好多野...

去令到我會好無顧慮咁去工作....多謝妳咁錫我........

我呢一刻係眼紅紅的....妳令我好感動....

無法想像我女朋友係咁好...

 

今日....阿興既太太同我講...

努力d...快d娶左佢呀(即阿儀)..

無諗過林太咁同我講...

多謝佢既支持....