好驚。
上一篇紀下對吉隆坡的不滿，原來不止我一個有此感想。cas部門的大老闆今晚為了我和另一個同事出頭，拍枱鬧酒店的職員，不過仔細聽下，原來佢的不滿比我更大。導火線是我們先把一些信件和工作證放在counter，但不知何解，有個同事的證件分開送到房間，而另一個和佢同時check-in的同事又未收到證件。我和另一個同事打算先問counter是否已經另外送到房間，但查了半天也未查倒，只話佢地係收倒咁多。後來大老闆走過來，二話不說就肯定係對方唔啱。然後說下午發覺酒店對面有工程，好嘈，已經向酒店投訴，但發覺仍然係咁。如果今晚我地是但有一個同事無覺好瞓，佢就cut咗信用咭，唔會比一毫子。我們開頭以為佢講笑，點知佢越來越認真，仲唔理我同同事，直接同職員理論，要佢叫general manager來。個職員唔理佢，佢仲拍枱......
終於個唔係咩職位的人拉埋我地一角，見佢的態度，只可以嘆一句"今時今日咁 o既服務態度點得呀?" 大老闆一五一十咁講不滿，1) 等check-in等咗半個鐘 2) 我地早一個半月已經book咗房，但竟然有幾個同事包括大老闆要在大堂等另外半個鐘先可以上房。而個大老闆仲未來得設上房就要開會。3) 有同事投訴房間對著工程，好嘈，問個大堂counter，話夜晚唔會，但而家仲好嘈。4) 信封事件。個所謂經理其實態度都好傲慢，佢竟然話重未有投訴，可能係我地呢group人的問題.....有冇搞錯呀?最後，佢只係話會跟進云云，承諾會暫停對面的工程。如果我地再唔滿意，一個幫我地換房一係幫我地換酒店。
呢個cas的大老闆我本來對佢冇咩好感，因為佢地幾口花，而且仲有少少多手，不過佢唔理咩，先撐同事呢種行為，另我改觀。佢仲未去過公司個booth，明天希望一切順利，佢好惡，我唔希望聽日比人拍枱鬧果個係我。
今日終於到會場做嘢，講真真係好頂唔順呢度的人的工作效率。只係好少嘢，由星期日早上十點整，如果以香港的工作效率，半日都應該搞掂。只係組裝傢俱吧!搞十幾個鐘?我地個booth只有54平方米吧!原來話今朝早十點交場，到十二點，到一點，到三點半，到明天。好驚，幸好今日下午來的同事都係普通經理，佢地會唔會在背後話我我唔理，最緊要明天九點前各大老闆過來冇嘢好講就得。唉，個場八點半先開門，希望半個鐘內我可以搞掂。
明晚有VIP晚餐聚會，無端端要做司儀.....冇人之前講過喎.....加人工呀!!!
文章定位：
