今天是家禱會，偉文也跟順達坐彥俊順風車一齊來。
各人都有些分享，首先是桂生，帶出(羅12:1)的原因，點解獻上，就是因為「這是神所喜悅的」．跟住是淑芳，主比我們又一年、主比我們又一日．再到淑珍，分享到自己系家裡面的彼此服侍，我亦心想如果將來可以好似佢地咁同弟兄姊妹一同生活、彼此服侍、彼此勉勵，都幾好，不過離不開「主若許可」．但我希望我唔係做煮飯果個，淑珍差不多日日煮（買、煮、洗），其實煮餐飯出黎都幾辛苦架，不過又唔排除主將來都咁樣安排我做煮飯果個，是為要用這些環境來訓練我，以致在這些項目操練學習，服侍人、如同服侍主一樣。雪黎和玉華姊妹用自己的領受和見證來勉勵大家，及嘉雯都為肢體代禱，求主復興主的工作，就先是我們．其實弟兄姊妹好關心你．
祈完禱之後我多左ｄ領受．
我相信，有時禱告左出來，係唔係代表一定可以做到架呢？就係唔係代表已經做到呢？我相信大家都會認同是「靠自己是不一定做到的」，好似家訊第３點：「看別人比自己強」．其實不單有像主的順服＆謙卑，更是因為一樣好重要既野，我們就看別人比自己強．係咩呢？
就係「恩典」！肢體需多，仍是一個身體，冇人可以話我用唔著你、我唔喜歡你，正因為「恩典」，主就將我們放左一起，成為一個身體。要是你對別的肢體有意見，你必定對這方面不夠認識。因為我呢期仲睇緊上個月果一本書．「你越認識主，就越知道要認識主；你越認識主，就越不覺得認識主」你明白嗎？我們會發現所認識的顯得越來越小，不是因為這些本身變小了，乃是由於看見還有更多更多主的事我們需要認識。因為我之前唔識野，愚昧無知，以為聖經終有一日可以識得晒。
所以岩，口講真係點都得，讓我們有實在的「明白怎樣」、「追求作」、「願意奉獻自己」，以一個單純的心，來討主的喜悅。我知道之後仍然有學習的地方，因為下個月都是為這個題目禱告。
走既時候好開心咁同一些弟兄姊妹離開，沿路交通，錦娟原來是上個星期已經去過牛池灣家禱，不過佢都親口解釋佢係今次係探組－探望其他家禱組．丫～等我仲以為佢係補禱添．
聽日有同事自行搞抽禮物，前兩日我買左半份，今晚系吉之島買埋另一半，仲計劃把一張福音單張送埋出去，願意收到既人唔單止收到實在的禮物，更將一個至極寶貴的禮物接受過來．求主祝福！
文章定位：
