今日要同上司上大陸廠，因為11月開始至到新年前都好多野做了，上去與國內船務部溝通，並幫手分配一下預備的工作，原本諗住食完lunch就落返黎回office，不過最後都4時才離開，預計可以6時回到香港唔洗返office，但因為交通問題，比起原定計劃超了些時間，所以，都係吃d野緊緊趕到去家禱會。
桂生唔系度，今晚有三位弟兄（達仔、進丁、我）加幾位姊妹出席，主造就弟兄們有機會分享一下感受，當進丁弟兄分享既時侯，我地都覺得佢實在將自己打開，分享過去事奉主的感受如何，現在的感受如何：覺得以前服事主有好火熱、喜樂的感覺；但過了一些年日的時候，就好似淡左咁，又令佢想起大衛同掃羅在蒙主悅納的對比，主愛大衛因他有裡面的實際；另外又令佢想起以利同撤母耳，以利有服事主的經驗，但內心沒有實際～我之前亦曾經聽聞過偉東透露左進丁的一些情況，不過事情未經證實，而弟兄並未有承認與否，所以不能盡信，我都永不想再提了．．．
進丁今次分享實在感慨不已！實在一言難盡！佢今次有感而發，令到一些屬靈生命年長的淑珍、淑芳等姊妹都連隨開口鼓勵佢，佢有一刻的時候做了眾矢之的，我意思唔係唔好果方面，而是她們向他發出鼓勵的話！淑珍好擔心佢，因為淑珍話由細睇到佢大（有進丁、偉東、德偉），所以好有感情，果種好親的感覺盡在不言中；而淑芳更分享她也作過年輕的時代，想當年在開始信主所許下的志願，現在三十年回顧番實在感受良多，有時產生一些退意是因為唔夠”純”，好似果首詩歌「活著為耶穌，只望能單純．．．」開頭可以小孩子好天真咁好純，但慢慢慢慢就唔夠”純”，但係若果冇左開頭果份單純，就唔會有現在的功課學習．主有時會取走那些好火熱、喜樂的感覺，是要我們好好學習事奉主不是單靠那些，所以一切在主裡面的勞苦係唔會徒然的！跟住，玉華和嘉雯姊妹都在禱告中記念，不好回頭望以前，更要忘記背後，努力面前！她們每一個都是出於關心弟兄的屬靈生命狀況，更重要是出於「愛」的緣故，我地又何常唔係呢？最後大家一齊走既時候淑珍再問多弟兄一次，係唔係有事，要唔要好好坐低傾下，弟兄就微笑回應只是有感而發，淑珍再講話因為真係由細睇到佢大，弟兄由六年級開始黎聚會，大家想一想弟兄默默跟從主，差不多有廿年了！實在係要為主一路保守左弟兄而感恩的．雖然弟兄都否認、說無事，不過我覺得開始將自己打開，都是一個好唔容易既開始。當我同弟兄二人行那段回家的路的時候，我深深感受到弟兄個心是好喜樂的 ^O^ /
感謝主！求主繼續賜下復興的火在我們每一個的心裡！「．．．就是他所賜給我的、叫我一個也不失落．．．」 求主復興你！
文章定位：
