我心裡實在唔好受，去到一個地步，好似感受唔到主的同在、究竟聖靈還在嗎？冇晒聲既？我放工一路行一路行想左好耐，一直等、一直禱告到我唔識點樣向主禱告，冇聲、沒有心跳．．．
引發咁既情況，是由一件小事而起，都係自己問題．在今晚加班時份，有個基督徒上司行返入佢間房的時候，路經我個位，問我一句：「Leo，你有沒有睇果套恩雨之聲架？」我回答冇乜等別啦，如果咁岩就睇囉，十次睇一次左右啦，阿媽有時都叫我睇，不過我阿媽係唔信既，我就叫阿媽「係呀！做喇，你睇啦」，我就會返房上下網咁啦．．．其實我上司都係問左我一個問題而矣，我多說了：「果度好多見證既，不過我覺得有部分見證未必咁深，可能被人加強左，因為始終係電視台，拍電視，可能個導演話唔得咁平淡喎，要加強ｄ某些部分，所以可能始終有ｄ人意系度，但我又唔係批評話ｄ見證唔真，只不過有可能冇咁強，始終未證實既野唔可以盡信．．．」
我咁講完之後，個男上司唔係咁同意、又唔敢否定我，佢其實覺得ｄ見證全部都好真！我地既對話就咁結束左，佢入返佢間房，我仍有很多思想．．．
其實我只不過睇過呢個節目兩三次左右，覺得呢類節目都係咁，見證人的說話當中有些浮誇，使我提不起勁來繼續收看，我心想：就咁妄下判斷，我係唔係太無斷呢？上司同我講都係出於好意，可能就呢個話題想同我交通一下呢～我咁講過份左，又係唔知頭唔知路，可能會令佢好難堪，佢又可能會思想自己係唔係唔應該睇呢？我可能令他跌倒啦！我錯！好錯～～～～我自己見識咁少就妄下判語，我更深想到，如果任何見證都唔令自己相信的話，咁我漸漸會唔會變成不信呢？定係我已經對一切的見證抱有不信的心呢？如果唔係自己親身的見證，就唔信，要自己來確立見證，將來我究竟會唔會變成不信？呢個先係我最致命的問題！唔係因為我上司，而係我的不信！再想落去真係好嚴重呀～～～
．．．
主唔出聲一定有佢理由，現在仍然無果．．．
可能主要我搞清楚一ｄ野，先繼續比我行落去
我只好向主說，咩時候顯明，由你話事喇！
我真係冇晒心機。
若這真是主的工作，因為當中必有「拆毀」、必有「建造」．我盼望係～
文章定位：
