呢排都好想寫日記，不過每日實在太疲倦了。
係呀！我地上上個星期日去左swim，我都唔係好識游、多得兩位導師「達仔、天維」指導，以前因冇做開運動，又唔做熱身就跳落水，我今次同佢地一齊做左熱身，沒有抽筋，我有進步！ 游午水，曬太陽、好舒服。不過，我腳版底就起了水泡，唔知因為對拖鞋唔適合，定係個地下太熱既緣故，幾日後就冇事。我地講過，如果下兩個星期仲係咁好天，兩星期又再去過。
上星期，唔知點解，個背脊出事，我感受到其中一垢肌肉好痛，痛到一個地步，倘下來訓覺都好痛，痛到眼水都流埋，我以為下半生都係咁樣，不過而家漸漸好番好多了。
仲有「蟑螂奇遇記」，有晚十一點幾上緊網，點知有一隻大蟑螂在我右面的衣櫃門上步行，我立即囉起隻人子拖「打」，點知打唔應，趺左落地下，比佢走左，好灰心，其實我好怕蟑螂架，於是我戰戰兢兢地再search一下，最後囉左個鞋盒入廁所開燈，打開睇下有沒有發現，屋企人訓晒，好靜，點知我左手面有d怪聲，一望，嘩！原來有隻勁大既蟑螂系個企缸塊大玻璃上大踏步，當時我能夠聽到d咁既怪聲可想而知果個環境係點，於是我都係做左個相同的指定動作，我出盡力咁打，嘩！彈得好遠，唔知彈左去邊，於是拿拿聲開熱水，最後發現佢彈左落一個有水的盤仔度，死了。果晚我冇覺好訓，因為走甩左第一隻蟑螂，要開住個檯燈訓。第二日講番比爸媽聽，研究過應該係由坑渠嚨行上來的，於是我叫我爸爸一定要買個隔放左坑渠嚨，而且一定一定要買蟑螂酒店，來招呼全屋的蟑螂，尤其是我間房，結果都冇咩收獲，但過了兩日就比我爸爸在廚房門口搞掂一隻，希望如佢地所講就係我之前系房見到果隻啦，之後漸漸訓得好些。所以，去到夏令會，同房的弟兄唔該多多關照，因為我之前都有所經歷，在夏令會廁所的坑渠嚨行上來我隻腳趾，當時我擦緊牙，佢好快咁行番落坑渠嚨。
星期日下午是受浸聚會，感謝主，因為家裡增添了五位新成員，兩位在別處受洗，現在被接納，一同與我們追求、侍奉。另外三位是清楚得救、決心跟從主的弟兄姊妹，當佢地講見證既時候，我實在好感動，每一個都有好深經歷主的大愛、拯救，顯出主奇妙的作為，願主使用他們的見證，成為別人的祝福，主得榮耀。
志雄 : 「從前犯罪，自以為事，深深經歷主的帶領」弟兄可以加入，我都好高興，因為是主的旨意。
天慧 : 「天慧，如果需要，你可唔可以呢？」主賜她勇敢，說出自己是一個不多說話、向人分享佢自己的人，我實在想不到佢有咁深刻經歷主。主有需要，以致她不得不將自己放下、交出來。
仲鈞 : 「蒙恩、認罪(我自私、自大、驕傲、冇禮貌、講大話)、悔改、歸向神。」我覺得佢有少少順達既風格，好想追求、探求真理。
寶儀 : 「今個星期的活動要取消，你們以後都唔好搵我去果d地方，主耶穌唔高興！」因為主實在將她裡頭的生命完全改變了，以致感染到外面都唔同左。我發覺佢真係唔同左樣。
麗嬋 : 「有一巴聲音對她說：你有沒有認真向我認過一次罪呀？」她也是一個不多說話、不喜歡與別人分享自己的人，主改變了她，面上有喜樂的笑容。
以上我的描述都很主觀、而且很不全面，但請容許我講一句「d後浪好強勁呀！」可能我太集中佢地的見證，完全睇錯晒先咁講，其實達仔講得岩，在佢地每個人身上，充滿主的愛、主的恩典，一切都是主的奇妙作為，我不應專注在個人身上。是的。
系呢個階段，我相信主都會看顧佢地，要建造的，求主建造，要拆毀的，求主拆毀並建造。唔好讓仇敵欺哄佢地，因為呢個階段真係好重要。求主保守他們，多多為他們禱告。感謝主，因為又再有人蒙了恩。
文章定位：
