真係返左黎，感謝主！今天開始訊息聚會，林生話佢在最後的時候決定繼續講多一點「良善」(愛的提目)，我知道主都係為左我地而設的。「良善」是神兒子的性情，肯吃虧、不計較別人．「良善」就是「惡」的對比．主耶穌講比喻責備將銀子埋在地裡的僕人：「又懶又惡的僕人」，「懶」也是「惡」的性情，原因是沒有在屬靈生命上好好按主的託負經營、建造，因此就遭撻左主的恩典、年日、機會了．「常要追求良善…都是神在基督耶穌裡向我們所定的旨意。(帖前5:15-16)」
「若別人在你身上常佔便宜，這就是有更多機會向他顯出良善！」
「若別人講野唔係好客氣，你就不要還以顏色！」
唉！主講中晒，我有時也是有這些不對的心思。求主憐憫．在埋單的時候，我絕不希望主對我說我是又懶又惡的僕人，包括在傳福音及領人歸主的託負上．還有兩個主日的佈道會，仍要仰望主。
散會後，就到家傑弟兄家的會所遊玩，兩個鐘羽毛球、一個鐘乒乓球並桌球、一個鐘保齡球，大家都十分投入，至在參與，我一開始就好想睇家傑同月張姊妹兩夫婦一part打羽毛球，呢個神配合而又超過六尺高的組合！嘩～犀利！之後分兩批人玩乒乓球同埋桌球，我相信最後玩保齡球先係全日最高潮的運動，大家都會同意我咁講，我諗我地一半人都未打過保齡球，包括我在內，大家輪流打，WINNER係偉東&進丁，歡樂既時光好快過，六點鐘就上佢地屋企參觀，我覺得同福沛國儀屋企差唔多，物件較為多左d，因為多左個B，主賜福比呢個家庭，嘩！有露台，仲咁岩可以望到福音堂．最後同順達弟兄在露台傾計，交通一下童年時的話題，估唔到佢問我：「喂！你童年係點架？開唔開心架？」我諗左一陣都講唔到，因為冇咩特別，讀書時期，我屋企人唔比我去街、放假都唔比，亦唔比拍拖，反而我接受喎，其實都係為我好，而家信左主，想番以前，真係有好多時候都係主保守，有好多情況真係千鈞一髮，我個心稍為偏行一點，就犯左一d返唔到傳頭既罪，嚴重既就要在懲教署過日子，而且之前如果唔係主保守我不斷有工作，我以前果d咭數搞唔掂，我可能去偷、去搶、借大耳窿，話唔定做埋晒d犯罪既野黎賺錢！我今日都唔可以安然坐系度，去到呢個地步，得著主的救恩，成為新造的人，一切都是主開恩給我。
真係返左黎，感謝主！
文章定位：
