感謝主使我能夠安然度過今個星期，星期三番左查經，這是本年度尾二堂的查經，今次講保羅的悔改的經文，在使徒行傳分別記載三次(使9:1-19, 22:3-16, 26:5-20)，林生派左份表比我地一人一份，好清楚呀！今次我發覺保羅作見證，一次比一次深入，是因為他在跟從主的道路上，更多認識基督、經歷主，以致他能夠看得更多更深。咁我又學到，為主作見證需要時時預備，不需要一字不漏地死背自己的得救見證出來，我相信隨著屬靈生命的成長、不斷經歷主，蒙恩的感受都會越來越深。相反來說，如果唔係的話，就會越來越淡，我唔想身邊有弟兄係咁！有咩解究方法呢？唔好放棄追求、認識主，要放棄一些應該放棄的東西(容易纏累我們的…)，多認識主，認定主係寶貴既，就自然甘心放棄。講番保羅先，「主啊！你是誰？」．「主啊！我當作甚麼？」這兩句都是保羅被主光照後的及時回應，讓我好好學習，對於認識主的事十分在乎，對於認識神在自己身上的旨意十分在乎。保羅落在甚麼環境都為主作見證，就算在王面前也沒有畏懼，沒有違背，從天上來的異象。終有一日，我們可能會經歷，如同來到亞基柏王面前，靠著神的恩典，沒有違背從天上來的異象！最後看保羅的一生，令我想起…「奉獻．不會囉番！」
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
星期六的青聚由梁姑娘講鑑戒．一代王子．大衛的兒子「押沙龍」．他的死因為在爭戰時走錯方向，被自己以為美的頭髮所累，最終約押將他剌死。他是舊約聖經中死得最慘的一個人。他的一生早已埋下好多伏線系度，不服從父親的判斷、憑自己的肉體行事、驕傲．以自己的頭髮為滿足、背叛．殺父親…因為這樣作是利害犯罪、得罪神！亦提醒自己，作父親的應該如何？作子女的應該如何？「要孝敬父母、使你得福、在世長壽．這是第一條帶應許的誡命。」(弗6:2) 另外，「愚昧」、「敬畏神」係兩極的，我咁諗：若果唔敬畏神就係愚昧，梁姑娘咁講：有時做父母想子女，最大的益處就是「敬畏神」！我看她很用心地講，亦記番起上她次短講都講過：你父母敬畏神，梗係好想自己的子女點點點、敬畏神，有時會令你羞愧。最後都提醒我地行事為人要與蒙召的恩相稱！(彼前1:13-16)「所以要約束你們的心、〔原文作束上你們心中的腰〕謹慎自守、專心盼望耶穌基督顯現的時候所帶來給你們的恩。你們既作順命的兒女、就不要效法從前蒙昧無知的時候、那放縱私慾的樣子。那召你們的既是聖潔、你們在一切所行的事上也要聖潔．」
散左會後，需要「背經」大家彼此對背，有機會同家傑弟兄交通一下，我就係交通咁岩背經果一句少少，佢就回應：「吾！你可以準備一下，下個星期青聚分享一下啦！」我就即時回應(可能係因為怕的緣故)：「下！我對舊約由詩篇開始打後都實在好弱！」(唔知有沒有人留意呢，我真係由詩篇開始就沒有在聚會分享過d咩野) 家傑弟兄就同我講，其實都好明白弟兄果個謙卑係好既，咁另一方面，你去將主比你的一點分享出來，供應聚會，而唔係要好辛苦咁搵一點黎講，所以自己都係學習呢樣野！感謝主，弟兄的一番話，如同主親自的提醒一樣，令我自己都認真咁去反覆思想，對的！原本我咩都冇，弟兄話能夠明白主的話，是一個神好大的恩典！我除了滿心感謝之外，還要怎樣看待呢個恩典呢？需要預備供應聚會，彼此造就、成全 ^-^
成聚唱果兩首詩歌真係「好」，歌180「主耶穌當我們想到你」 ^o^ / 一首令人越唱越心感喜樂的詩歌，歌276「主使我更愛你」主使我們走在窄路上，都是主一直的扶持、保守、恩典！
林生一開始補充的時候，就提醒我們分享上要注意的地方，因為今次是申命記13．14．15共三章，(學) 受聖靈的引導，留意整體上分享的發展！
＊ 現在新約，我們不需要守舊約神頒佈給以色列人的律法(如：不要吃甚麼、守安息日) 我們讀舊約，為要學習律法的精意！！！「耶穌基督．愛既完全了律法」
不可……，基於愛神，基於這樣做是有價值的，神多次說「(這樣作)…，是你蒙福的條件！」林生問：「你們點丫？」信！神賜給你過於你所放棄的！果d越獻上的人，因為神賜福給你們，所以就能獻上！神的兒女們，在信靠神、敬畏神來彰顯神！
散會後，我本應想急搵導師問一個問題＊ (呢個問題前一晚讀申命記既時候就發現)，但又見到冇一個得閒，好在比我遇到燦明弟兄，咁我就問佢：「頭先講我地唔洗再守以色列人的律法，不吃兔呀、豬呀等，咁為何前一兩章講不可吃血，血乃是生命，在申命記上其實都係誡命黎架，為何林生之前又話自己信左主有亮光之後冇食過豬紅呀、雞紅呀，咁教導我地？唔係唔洗守咩？」(我用我d詞不達意的話去問)，燦明最終都能夠聽得明我想問咩野！咁佢就答我：「可能之前林生都講過，不過你當時未系度啦，因為這是神最初未有摩西律法之先的吩咐，而不是誡命。而且好似在聖經開頭都有記載過，好似挪亞方舟洪水後，不過我都係要番去查一查。」最後弟兄星期日真係回覆我在創世紀9:1-6「神賜福給挪亞和他的兒子、對他們說…惟獨肉帶著血、那就是他的生命、你們不可喫。」哦！原來係咁，我既疑團又解開了！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
主日訊息，啟示錄第４章，其實呢堂道對我黎講都唔係完全明白，不過我深信總有一天會明白的。天上的敬拜，頌讚神的創造．尊榮神，頌讚神的旨意。我們有沒有這樣頌讚神、讚美神？為我們所遇的一切。我們要用心靈誠實，敬拜他！祂是創造我們的主！是拯救我們出死入生的主！我要唱「祂是主！祂是主！祂是從死裡復活惟祂是主！萬膝要跪拜萬口要承認！耶穌基督是主！」．「祂是主！祂是主！祂是拯救我們出死入生的主！我心要認定我志要持定！一生是我救主！」
散會後好多野想記下來，先係…與偉文弟兄同行護送回家及「傾兩句」，願主幫助弟兄、紀念他兩方面的需要，想起一首詩歌…每早晨賜下豐富恩典，我一切的需用，您全早已預備，主啊您的信實何等廣大！之後返左黎福音堂，同順達彼此交通問侯一下，之後冇咩野斡，順達見我咁，就對我說：「冇野做呀？囉本書黎睇啦！拿！我睇緊呢本唔錯，系果度囉架！」丫，書櫃裡面又咁岩又有多一本順達睇緊果本喎，系關於禱告既(記得曾幾何時我都對禱告的書好有興趣)，於是我最終都乖乖坐低睇書，先睇書背頁、及前面編者的話，順達就介紹我睇第二個chapter講禱告的負擔，睇完之後我地大家一齊彼此交通、分享下丫。吾！睇見…大多神的兒女們都不肯禱告，原因是因為他們認為自己不懂得禱告。其實書裡面話，若覺得自己唔識禱告的人，就應該要禱告；認為自己識禱告的，就唔應該禱告。而且禱告係需要有負擔，有時我們自覺沒有負擔，若我們求主的話，主必定將負擔給我們。順達分享亦都需要有主的睇見，有主的眼光，就有果種負擔，有時我們開始的時候為主的負擔而禱告，慢慢慢慢，這個就會自然成為我們的負擔，就能去切切禱告。跟住又將一部份我地唔係咁明既拿出來拆，逐句來研究，睇見，我們要好好學習教會生活的整體禱告，來禱告聚會之前，要放下自己在心裡面的個人負擔，專心一致為肢體、事情代禱，實在需要主指教我地。下一個chapter係講同心合意的禱告，丫！呢度有一個比喻形容得好好，好貼切！同心．我地冇可能整體每一個都想著相同的心思、字眼來禱告出來，就叫同心合意！好似話我地係一件樂器咁，每一個人都不同，只聽一個指揮(按著聖靈，用說不出來的嘆息)，順從那指揮的，佢叫果件樂器發聲就發聲，佢叫果件樂器唔發聲就唔發聲，正因為每一個人都是會發不同聲音的樂器，所奏出來的樂章就不會叫大家感覺吵耳，反而因著順從那指揮的而奏出美麗的樂章，這一種同心合意的！越交通就越覺得…嘩！我對禱告的認知實在好缺乏，以致禱告生活好一團遭，原來禱告生活與我們屬靈生命的成長有密切的關係，千其唔可以忽略呀！主都係故念我地，賜下機會比我地多多造就、同埋操練！加上有招弟兄的加入交通，最令我深刻都係佢講過既一個比喻囉，禱告同埋學習分享都一樣，一個蛋糕，若加一小粒「車哩子」落去，係好唔同囉！
最後，唔經唔覺，發覺而家已經十二點幾，原來打左咁耐，係時候訓覺啦ＺＺｚｚ…
文章定位：
