日記寫得太多個人感受,依家開始分清楚d,個人感受放係新聞台好似比較好~
早幾日睇完彭浩翔套av之後真係諗左好多野,依家香港o既年青人,包括我自己,真係一塌糊塗,冇晒理想,人生漫無目的,同死左分別唔大,讀緊書o既,因為唔知第時想做d咩,又驚出面難搵工,所以只希望一直讀落去....將學校變成一個避難所...冇方向o既學生,通常就係會揀商科.......
恭喜一d有理想,有抱負o既人,你地沒有白活~
層經有一個博士,做左一個有趣o既實驗...放一隻跳蚤係檯面,佢隨意地跳,跳得好高,之後放隻跳蚤入燒杯,將燒杯頂封住,起初跳蚤唔為意,佢一跳就撞到瓶頂,撞多兩次,跳蚤就識得就住個位,再冇撞到,之後再將瓶頂降低,跳蚤再次撞到,再次調整自己跳o既高度,不停撞到,不停調整,最後,跳蚤被一塊玻璃壓住,牠已不會跳,只會用腳走,最後,博士將玻璃拎走,跳蚤都只係識得行,而唔識得跳...一個可悲o既實驗,人又何嘗唔係咁樣丫......呢個就係我上次比人呃左去傳銷公司,聽講座果陣個講師所講o既一個故事,冇錯,細細個我地有理想,有自己想做o既野,但係一路成長,頭頂就不斷有無數o既玻璃責落黎,家庭,朋友,社會,身邊所有o既野話比我地知,理想唔可以當飯食,理想同我地距離好遠,理想=妄想.......
我第一篇我的志願是想做消防員,再大個小小真正明白到自己o既興趣係獸醫,慢慢,知道讀獸醫要好耐同埋好多錢,跟本未到我畢業就要我揹起頭家....之後,發覺自己對教導方面都有興趣同埋有小小天份,於是想成為老師,什至係幼兒教育工作者,可惜,最後o既機會冇左,考完會考後先發覺自己有志於此,沒辦法唯有報讀幼兒教育,市道差,難搵工,男仔更加冇可能搵到工,我唔理,我知道呢個係最後機會,可惜,家人反對,雖然有時同家人有磨擦,但係我始終係愛佢地....我都明白,我唔可以為一時o既任性而連累全家.....最後,放棄埋幼兒教育....
我冇用,我知道自己唔夠努力....今日唔知聽日事,年青人,就係咁?
Beyond 再見理想
獨坐在路邊街角 冷風吹醒
默默地伴著我的孤影
只想將結他緊抱 訴出辛酸
就在這刻 想起往事
* 心中一股衝勁勇闖
拋開那現實沒有顧慮
彷彿身邊擁有一切
看似與別人築起隔膜
幾許將烈酒斟滿 那空柸中
藉著那酒 洗去悲傷
舊日的知心好友 何日再會
但願共聚 互訴往事
Repeat *
Repeat Once Time
一起高呼Rock'N Roll………….
文章定位：
