Maggie’s sweet memories A place to record my memory. A place to share my joy, sorrows and anger. A place to entertain you guys. A place to receive a word from you. A place to show my love to you all. A place to know "Life is beautiful"!

446愛的鼓勵 0訂閱站台

考完試, 對完卷, 入完分, 伊家淨係等大榜出左之後寫comments....同埋就算唔係豬流感, 我d 學生都係返幾日, 我好賤骨頭, 返學見唔到佢地就會有d 唔知點咁...我唔可以否認, 我真係有d 掛住佢地! 返工無野做....等開會o既日子真係好難過!

我以為試後活動就係o係學校玩facebook 同寫blog, 點知由上星期二開始就牙痛, 做mud 都無心情, 痛到日日都o拍panadol, 仲要係食好多好多, 但係d 痛影響到下顎左面成排牙都痛, 仲痛到上太陽穴, 真係想死!!! 到最後頂唔順去左看牙醫, 唔係因為蛀牙, 唔係智慧齒, 講完一輪就話要我食藥消左炎同止左痛先remove 左佢.....勁驚.....點知....食左藥仲痛, 換左三次藥都唔得....前日求個dentist 幫我remove 左佢....勁爆驚!!! 因為好耐之前試過比個新仔用力用到差唔多整"o羊"埋我塊面先remove 到我一隻呀!!! 網上面話呢個dentist 出左面手勢好....但係都係好驚...去到佢個clinic, 等左個幾鐘先有d 看佢....打左三支麻醉針之後叫我出返去等....二十分鐘之後入返去, 佢用左兩分鍾都無就幫我剝左隻大牙, 手勢真係超好....最緊要佢無整"o羊"我塊面....真係得....當然, 麻醉藥過左之後都仲有痛同埋滲血...所以琴日叫mammy 幫我請左一日假休息一下.....

到左今日, 神奇....完全無事, lunch 同可以同gigi, sharon 去食mcdonald's....鄭醫生真係一絕!!!!!

伊家可以盡情玩啦!!!! 來緊好多gatherings 同飯局.....想起都開心....先多謝你地o既安排!!!

仲有...今日學校開會決定左除左比晒錢d camps, 中三個drama 同埋結業禮之外, 所有活動都取消.....又見唔到我班學生lu.....miss lai 會好掛住你地!

呢幾日都可以好早返屋企同我d 寶貝們玩.......ball ball 剪左個新髮型....得意到爆!

牧羊媽媽and ball ball





mini and 貓


同場加映...之前整比ray o既birthday cake, 樣同texture 都失敗左....但係味就ok....下次再努力....