yeah yeah yeah....我得左啦!
今朝我去左考車牌, 琴晚緊張到成晚無訓! 可能係因為學車o既時候覺得自己好有問題, 一d 信心都無, 零把握! 考之前學埋最後一堂, 一出車就比架拖頭嚇到本能地扭呔剷左上膀...心知不妙...之後再練習d 考試路線, 唔知點解今日會咁多死車泊晒o係街, 好驚lor! 上完堂之後, 本來要等多半個鐘先去報到, 但係個師傅叫我去埋個toilet 就可以去...報到之後去試車, o係場內兜圈竟然可以緊張到入左對面線...心想...我今次真係死梗啦! 試完車, 個姐姐問我可唔可以提早考, 我即刻答應左, 因為, 我唔想坐o係度驚! 死就死啦!
之後...考牌叔叔話: 行元朗村...我一路出車, 一路想...hah???? 元朗村??? 唔係最難頂o既宏業東街??? 係咪咁益我呀!!! 有無咁好彩呀!!!! 因為, 宏業東街係最hot o既一條考牌路線, 多野考, 有好多右彎同死車, 之前練左好多次都有d 問題...而元朗村係一出車就係一條大直路, 無mud 車, 考都係考下轉線咁....aiya...真係好好彩!!! 我好努力咁做好每一個動作, 我覺得自己都算楂得stable, 路面又好暢順wor! 真係天助我也! 不過, 點都有d 小插曲o既, 有一個位我要由左轉入右線, 一早打定燈準備, 咁我見右線後面仲有兩架車行緊, 我梗係等埋啦! 點知呢兩架車前面o個架可能見到我係考緊排, 突然行得好慢想等我轉線, 而我又等緊佢行前wor...最後...我後面架死人拖頭"boot"我lor!! 可考牌叔叔話: 你伊家可以過啦! 心想...shuut...要你提我, 我fail 硬啦! 最後, 無驚無險返到學院等成績, 拿到成績單淨係掛住看自己比人tick 左d mud(即係衰左d mud), 看下有無比人tick 到"嚴重"o個欄, 完全醒唔起要看自己合唔合格...到個姐姐叫我比佢看, 佢話: 你合格左啦! hahahahahahahahahahahahahhaa....我問: 真架?! 佢話係呀! 我即刻笑左出來!!!!!! 真係形容唔到o個一刻有幾開心!
之後, 如我所料, 我比人"的" 左入一個counter 度, 佢係咁persuade 我去報金牌路路通, 今次我好叻, 無比佢tum 到, 我死都話無時間, 唔得閑, 搞左成十五分鐘佢先肯放我走! 仲要黑我面添...算啦! 我考到牌真係開心到爆炸...唔同佢計較!
擺脫左呢個路路通狂魔之後, 我即打電話話比屋企人同朋友們聽!!! 佢地一聽到都覺得難以致信, 個個都話: 下?? 真架!!! 咁我都明, 我自己都無信心, 好難會令到人地覺得我可以做得到o既!!! 最搞笑係有幾個朋友們, 佢地知道我考到之後, 除左congratulations 外, 佢地話: 咁你第日買左車同出車o既時候要話我知wor, 記得要話我知你會去邊, 咁我o個日就唔去o個度! 再寸d 呀笨!!!! 哼!!!! 你地看住來, 我會駕好我的車!!!!
aiya....好開心呀!!!!
合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格合格
合格之後就同左daddy mammy 同婆婆飲茶
ps...想比你地看好耐...好尊貴, 但係好無聊o既野!
限量版anna sui 面油紙...盒
裡面d 面油紙印左butterfly 架!!! 靚到呢!!!!
ps 2...近來o既新玩意!!!!
文章定位：
人氣(644) | 回應(4)| 推薦 (
0)| 收藏 (
0)|
轉寄
全站分類:
不分類
