當初選擇入教育界, 一心都係想住做小學教師, 原因好簡單, 因為我真係好鍾意小朋友...奈何大學無得比我地揀, 只係offer 教中學o既diploma...最後, 我就入左呢個同時下年青人搏鬥o既黑洞...
讀大學時, o係兩間學校做過實習, 一就係馬振玉, 二就係郭一葦, 兩間都係元朗天水圍區出埋”啃” o既band three 學校...第一次去到馬記, 好驚, d 學生個樣好惡, 佢地好似患有先天性對抗老師症後群, 食煙, 打架(仲要係o係你面前!), 上堂聽mp3等等mud 都做齊, 真係好可怕! 不過, 當時我淨係被派左去教中一二, 咁都好d, 佢地咁細, 對佢地好少少就好好鍾意你...就係咁, 我就同好快樂咁完成左第一個實習!
第二次實習係o係郭中, 又係教中一二, 好比心機教呢兩班學生, 又係唔知點解佢地愛上左我, 好記得臨走o既時候班2A買埋蛋糕同我farewell, 感動爆! 最記得就係同埋佢地去school picnic, 當我”大小姐”咁服侍; 仲有當我o係澳洲返左來之後又特登叫埋我去開xmas party...好感動!
o係我走之前, 我每人派左張紙叫佢地寫d 野比我, 呢d 紙仔我keep 到伊家, 得閑, 又或者唔開心o既時候都會打開來看...佢地比到我o既, 係一種難以言喻o既感動同鼓勵...裡面寫o既大約都係話喜歡..上我o既堂, 會掛住我同埋話我好比心機教佢地等等o既說話啦! 不過, 我最喜歡的, 係ivan 寫比我o既說話...
ivan o係紙上面寫:
”一天我擦亮了阿拉丁的神燈, 神說會滿足我一個願望, 我對他說: 請祝福看這紙條的人天天快樂!”
我想過實習六星期都可以同班學生建立咁深o既感情...人地話可以的話千祈唔好去教band threeo既學校, 但係, 我係郭中呢六個星期, 感受到老師同學生之間o既愛, 亦都係因為咁, 一年多後, 我成為o係郭中真真正正o既英文老師!
第一年出來做o野, 被編左做1E班主任, 教中一三班英文, 兼教七班基本商業(其中兩班仲要係全校最”啃”)...你都咪話唔驚...
好多野都唔識做, d 學生好naughty, 好難教...好naive 咁想住自己一定要笑面迎人, 要做一個受學生歡迎, 注意: 係歡迎, 唔係尊敬o既老師...點知, 比d 學生蝦到recess 要衝入教員室喊...當時o既我, 淨係覺得自己好委屈, 我係來教書, 唔係要比d 學生玩同埋挑戰, 所以覺得好辛苦...同自己班去camp, 最後悲劇收場, 捉到學生o係房食煙, insult 老師, 夜晚爬牆周圍走等等, 仲有學生o係你面前打交, 要個呀sir 攬住先停手, 教英文, 有學生連a 至 z 都未背得出, 左耳入右耳出....我就係o係呢d 環境渡過...不過, 到學期尾, 對於自己班, 甚至每星期見兩次o既”衰人班” 都建立左一份感情...
第二年, 我有一個徹底o既改變, 開始黑面, 鬧人, 做癲婆, 有學生話:”miss lai 變左啦! 佢以前都唔鬧人o既!”...當然, 對於自己班, 我要求好高, 要佢地o既行為做到好好, 初初佢地好唔習慣, 由其他班入來e 班o既人喪搞事, 開學三個月都無好日子過, 日日哦, 日日tum, 日日鬧, 日日新鮮鑊鑊甘! 不過, 到下學期, 大家開始習慣, 學生亦都開始feel 到我好愛佢地, 而佢地都好似開始愛上我啦! wakaka....至於另外幾班, 我好比心機教, form one 兩班, 一好一”無咁好”啦! 兩班都教得開心, 因為, 佢地始終都係form one 仔, 唔會壞得去邊. 另外, 仲有一班2ad, 由開頭”miu” 爆我, 到之後o既trust, 最後知道下一年教唔到佢地, 大家都好唔開心, 呢班對我態度o既改變令我確定到我o既approach 係無錯, 做老師一定要比心機去教, 唔係要令d 學生去喜歡你, 而係要令佢地信任你真係可以幫到佢地去學野, 令佢地打從心裡面尊敬你, 咁先至叫成功...o係教書o既第二年, 我做到了!
到第三年, 呢年係我o係郭中o既honeymoon, 教o既都係之前教過o既班, 又係做返e 班班主任, 大家咁熟, 唔使兩個星期就上晒軌道啦! 亦都係o係呢年, 我真真正正發覺自己愛上我教o既每一個學生! 最後因為”大人o既原因”選擇離開, 面對呢幾班學生, 心裡有說不出的痛, 覺得好guilty...
永遠的3E...
我愛3Eo既程度, 係無法用文字去形容, 我可以話, 因為呢班小鬼, 我笑過, 哭過, 我出街都會想住買野比佢地, 訓覺前會想想點先可以令佢地乖d, 好d, 閱讀課, 上堂一有時間就會同佢地分享我生活o既點滴, 希望令佢地有所啟發同埋拉近我地之間o既距離, 我唔知道對於佢地來講, 我係咪一個稱職o既班主任, 但係我已經好努力咁將最好o既比左佢地...佢地永遠都係我最愛o既3E!
一點也不壞的2EF...
呢班我教左佢地兩年, 由form one 開始, 佢地曾經被認為係一群好好好好好naughty o既學生, 英文能力唔高, 上堂唔專心, 多野講...起初上佢地堂, 真係辛苦到不得之了, 話極唔聽, 教極唔識, 真係唔知想點, 之後, 我決定要用愛心浸死佢地! hahaha...又得左wor! 最開心o既係, 佢地上我堂真係會超乖, 聽教聽話, 好比心機去學, 做到佢地真係care 自己o既成績! 好開心可以教到呢班學生, 佢地o既改變真係會令我感動! 因為, 佢地呢個改變就好似同我講:”我信你!”
the smartest 2C...
呢班係我o係郭中教過最smart o既一班, 亦係令我覺得最guilty o既一班. 因為, 佢地係o係我走左之後o既九月先知道我走左...再一次同佢地講sorry! 教左佢地兩年, 係精英班, 所以上堂好忙, 我要”質” 好多野比佢地學, 想佢地叻d...最開心o既係, 佢地伊家仲係好care自己o既成績, 有唔明會向我求救, 我最鍾意就係呢d 懂得care 自己o既學生! 我走左之後, 約過佢地出來兩次, 次次都又食又拎...好唔好意思...佢地係一班切切實讓我feel 到佢地愛我o既學生!
就係因為以上o既學生, 令我唔單止o係郭中過左幸福o既三年, 呢份幸福, 到伊家仍然keep 得住, 我唔知道可以keep 到幾耐, 但係...我懂珍惜你地比我o既愛!
終於都講到伊家啦! 決定離開郭中時, 喊左好多日, 完全係因為唔捨得班同事同學生!
到左vc 呢個好陌生o既環境重新開始, 可能因為唔使做班主任o既關係, o係呢度好難同班學生建立到好似以前o係郭中o個種深厚感情...起初真係好唔習慣, 唔可以好似做班主任咁去關心下一班學生, 一見到佢地就係要教書, 好忙好忙....要建立好好o既關係真係好難! 我只能夠同自己講, 我盡力而為啦!
1D...
同所有o既form one 仔一樣, 佢地cute 到炸開, 好難唔喜歡佢地, 佢地好smart, 上堂好active, 一粒糖都可以爭餐懵. 最鍾意佢地o既就係逢親有activity, 佢地都會好投入咁配合你, 學野又快...真係想”mit” 死佢地!
2A...
佢地令我想起上年o既郭中2EF, 一開始好難教, 心散到不得了, 唔肯做功課...不過, 經過一輪搏鬥之後, 佢地有一個好大好大o既改變. 佢地係我o係vc 教o既三班之中上堂最乖o既一班, 肯學, 肯做功課, 仲要係會努力咁去用英文...見到呢個改變係我o係vc 其中一件最開心o既事! 我感覺到, 我同佢地share o既每一個故事, 佢地都有intake 到!
3CDE...
講到呢班, 有d 長篇...
呢班同學係elite, 佢地英文好叻, 所以對英文老師o既expectation 好高...第一日教佢地, 我用錯左approach, 我介紹自己o既時候, 講左我o係band three 學校來...因為咁, 令我班裡面o既同學對我o既能力存疑...開頭好似無mud 人聽我講野咁, 佢地o既眼神好恐怖, 唔識點形容, 總之上佢地堂就算prepare 好晒都會好驚!
因為我八o既關係, 我開過呢班人o既blogs....wahhhhhhh!!!! 史上最大o既衝擊! 佢地覺得我教唔到佢地野, 講o既野佢地學過晒, self intro 好老土, 總之就係幾百個唔喜歡我o既理由啦! 點會咁架! 自問努力左架啦wor! 我唔開心o既唔係佢地唔喜歡我呢個事實, 而係佢地覺得我”廢”...因為咁, 我”zip” 高我個枕頭想左幾晚, 想左好多方法佢教佢地; 佢地覺得本書o既野太淺, 我tailor made d notes 比佢地; 佢地覺得我講野大聲, 我唔用mic; 佢地覺得我悶, 我想左好多games 比佢地玩同學英文....就係咁, 情況就好好多!
係佢地d blogs, 我由maggie lai 邊返做ms lai, 再演變成伊家o既”大小姐”(其實我都唔知呢個term 係點來?!!) 我唔可以講佢地係喜歡我啦! 但係我feel 到我o係佢地心目中唔再係”廢”, 唔會再係好似以前咁乞人憎啦!
呢班學生, push 到我o係教學上做到好多以前做唔到o既o野, train 到自己上佢地堂好efficient 同埋要令佢地o係一個好relaxing o既atmosphere 學o野! 到伊家學期尾啦! 死啦! 好似愛上佢地添!
相@marcus...原來我仲未同你地影過大合照-_-”
小結:
從來都無想過, o係vc 都可以搵到我可以愛o既學生, 但係, 我真係搵到! 令我最開心o既, 並唔係一個又一個話喜歡我o既學生, 而係佢地話比我知我真係教到佢地, 佢地真係相信我o既能力!
我永遠都會記住, 學生喜歡我, 只係一個bonus, 最重要o既, 仍然都係佢地從我身上學到的一點一滴! 呢個就係作為老師最大o既幸福!
文章定位：
人氣(352) | 回應(1)| 推薦 (
0)| 收藏 (
0)|
轉寄
全站分類:
不分類
