十一國慶3E 聚餐＠Maggie’s sweet memories

2007-10-04 17:16:09| 人氣1,092| 回應0 | 上一篇 | 下一篇

十一國慶3E 聚餐

推薦 0 收藏 0 轉貼0 訂閱站台

放完一個long weekend, 返到來就做到癲, 真係有咁耐風流就有咁耐折墮好好好好好忙...

今晚要返學, 返六點半, 改簿改到好累, 咁就有時間比我update 下我個blog 啦! (其實, 今晚上堂d readings 全部都未看, 我死得啦!)

講返星期一國慶, 好開心可以約返我最愛0既3E 學生們出來食午飯, 佢地伊家個個都係高中生啦! 不過, 我覺得佢地乖過我伊家教緊班中四, 明明係band 1 學校, 點解d 中四學生會比郭中0個d 差呢? 真係令人費解! 見返佢地, 問下佢地0既近況, 好開心從佢地口中聽到佢地日日忙到上堂都唔得閑訓啦! 仲有...佢地伊家上到數學堂, 當然, 令我最開心0既, 就係佢地好有信心咁同我講佢地無刁到我假! 做得好呀!

就係因為我預測到佢地會令我放心, 我0係食飯之前特登去買左d 禮物仔比佢地抽獎, 我呢個前班主任都算唔話得啦掛!!! 見到佢地收禮物收得開心, 我都覺得為左佢地使少少錢真係好值得!

食完飯之後, 我地仲去左影貼紙相, 無錯, 係我逼佢地同我呢個老餅影相...好興奮呀!!! 呢個下晝真係盡興而歸!

0係新學校已經一個月, 好想0係呢度都可以搵到同3e 0個種感情同快樂, 好想搵到一班比我可以大聲講我好愛佢地0既學生! 我伊家仲努力緊, 好希望有成功0既一日...不過, 看學生寫比我0既信(其實係佢地0既功課 - a letter to miss lai), 我已經知道我係有可能會成功的!!!