我終於考完試了！＠JanJan’s World｜PChome Online 個人新聞台

2005-05-11 23:13:36| 人氣29| 回應0 | 上一篇 | 下一篇

我終於考完試了！

推薦 0 收藏 0 轉貼0 訂閱站台

哎吔！唔好意思呀周小姐，我今日先睇到你既留言，多謝您呀，我估自己考得唔係好好囉，不過唔緊要啦，應該都仲合格既，唔理咁多lu！

今個sem終於完喇，其實都好開心，因為一邊番工一邊讀書真係好辛苦，宜家可以抖番下lu，不過，唔知點解我又有少少失落喎，可能番學既日子充實d啦，時間好似都過得快d咁，而且有時同d同學仔上堂傾下偈都幾開心架！唯有期待下一個sem啦！

唉...我計過數喇，下個sem如果我讀三科既話，宜家每個月至少都要儲差唔多三千蚊呀，我咁大駛，簡直impossible呀，不如我都係買多幾期六合彩好過啦，或者如果有好心人可以介紹d唔駛點用腦又唔駛搬搬抬抬既partime俾我就好喇！我諗都係發夢，睇嚟我問大耳窿(政府)借錢既機會都好大囉！

咁快今個星期六就係我生日喇，我好多謝我所有既朋友百忙之中都同我慶祝，但係其實我覺得真係唔駛搞乜野好特別既野架，食餐飯仔就好ok，咁已經very very very開心架喇！不過有少少期待今個星期日，因為我第一次被人約喺機場慶祝生日，究竟佢地葫蘆裏賣咩藥呢？我估佢地唔會去接肥仔樂機啩，咁樣實在太搞笑喇！雖則我好想佢都可以同我慶祝，因為有佢喺度大家一定開心好多，會好玩好多，唔...星期日謎底揭開，我再話過大家知呀！

我要檢舉

台長： JanJan

人氣(29) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)