韓國5日之旅，可以用兩個字黎形容－－辛苦，都唔明d人可以話去旅行幫自己叉電，我就累到死......我起飛既時間係凌晨12點半，係飛機光到屎想訓都訓唔到，咁就恰下恰下恰左3個鐘，落機既時候係韓國時間5點......之後我地就要開始第1日既旅程......首先去月尾島，上船搵蝦條餵海鷗，又真係幾得意......之後再去咩咩塔(其實我一上車就係咁訓，塔名都矛聽到)，一落車簡直想屎又要落雨又大風，話比我聽果度得10度我都會信，但係我著住既係一件背心+件風褸.......睇完再坐車落東大門，簡直辛苦到想屎，又唔夠訓又坐住架頭文字b既車係咁飄移，都矛咩特別野行，只係好似番左女人街咁.......只係睇中左對nike鞋17萬wons，跟住去左食飯(石頭鍋飯)，跟住又坐車去整番簡，都唔將佢染色好核突......跟住可以番酒店大覺訓了，不過只係韓國時間5點幾......到7點又要起身食晚飯.......食完又再訓......
第2日，一早就要去everlands(樂園黎ga)，見識下咩叫獅虎(獅子+老虎混合版)，睇完既時候見到條頸鍊，第1下既感覺就係想買比佢，點之比導遊趕鴨仔咁去下一站，之後去左玩過山車，我就無野驚，至驚我個袋飛左出車，仲要比人掟到我撞瘀個背脊......之後look到咁番落搵番條鍊買，點之矛左......可能真係天意.....之後打後幾日都不斷去搵會唔會有番條同款ge......竟然係矛......連食飯都要係架車度食.....跟住落梨泰園(韓國出名化裝城wor)，又去搵下對nike鞋同埋條鍊，又係矛......我中意親d野硬係唔多有......之後就係去浸牙山溫泉.....都矛咩特別jei......跟住又食飯la.....咁又完左1日......番酒店我地自己竟然係度開台打牌......又係我輸了......
第3日，去d咩人參專賣廳，再坐韓國ktx列車，最高速達32xkm/h，我地搭都只係去到300左右，之後去食人參雞，食完再去西瓜田摘西瓜......
第4日，一早就要去大長今村(最唔中意既地方)，條路又爛我自己又唔睇大長今，食完飯就去左總統府行左陣，我地自己就去左新川行街shopping，佢地就去咩韓國傳統體驗，玩咩整泡菜食大長今御膳，每位收多2萬wons，係我主張話唔去的，留番幾萬wons去買野好過......點之去到新川仲衰，條路又係爛到7彩，行完之後成隻鞋都係泥......不過都好起碼買到野.......之後再去樂天(又係樂園)，2x層跳樓機......90度角既海盜船......點玩ar......睇怕玩完真係成個散左......不過我想玩果個阿蒂哲絲，但係超多人排隊.......
last一day，一早就去咩紫水晶專賣廳，靚就靚la，閒閒地都過百美金......之後就去明洞南大門瘋狂買野，搵番我對鞋了，廿萬wons找番1千......仲有個puma袋都6萬4wons......之後再去土產店買食得既手信，再去就去機場了.......
5日咁就玩完了，玩都算ok ge，但係食就......想減肥去韓國一定得......因為去韓國係矛咩肉食的，只有菜之後都係菜最後都係菜，有肉都係雞肉同豬肉絕少有牛......韓國女仔d皮膚真係幾令，要搵個有暗瘡既男/女仔都係難......唔怪得咁多外國人踩香港女仔個樣同身材勁唔掂，韓國d女仔真係fit起上黎真係fit得幾令，唔同香港既骨感，當然都有係韓國好多mini暴龍出沒。不過，我反而覺得香港女仔真係幾好彩，起碼唔駛自己搵錢去嫁人先(女仔嫁人要比埋禮金的)、又唔會比老公打wor(傳統黎ga，韓國人人都係咁打)、又唔洗結婚之前一個月要學咩茶道整泡菜、又唔洗幫老公擦背洗腳，連食飯都隨時係老婆餵的.......比起香港女仔既高鬥......唔怪得雜誌會話香港女仔係全亞洲排名係尾二.......今次去完韓國先覺得香港人原來比寵壞了，近期電視咪成日話要保持冷氣25.5度ge，我諗一定有唔少人實話"你傻ga，想熱屎人咩”，但係係外國真係好多都係keep25.5度，韓國都唔例外.......過關香港真係唔駛30秒1個，韓國真係滋滋悠悠隨時要成分鐘，韓國買野係唔會成日有人serve你，韓國文化就你黎消費並唔係大哂的......仲有韓國係唔多垃圾筒ga，但係反而條街唔係好多垃圾wor，反觀香港.....哈哈......成街都係垃圾&垃圾桶
文章定位：
