24h購物| | PChome| 登入
2006-02-09 04:17:31| 人氣28| 回應0 | 上一篇 | 下一篇

我唔要做負擔女...

推薦 0 收藏 0 轉貼0 訂閱站台

今晚...正月十一... ...
豬仔你一定知道我會寫日記,係咪?
因爲你一定覺得我今晚唔開心...係咪?

講返年初十先!同豬仔星哥哥哋去順德家私城睇家私,又好似新婚夫婦咁啦!睇到乜都想買...仲玩到顛曬,好開心嘎呢一日!!!今日當然有同moumou玩啦..教佢屙臭臭咁啦,但係我地仲未成功阿!-----記住.moumou係11月29號出世嘎,要同佢慶祝!!!

正月十一!晚飯後同茵茵出去聚會...好挂住佢!每次出去佢都講好多笑話我聼嘎!因爲佢係m記做part time,所以佢好多奇聞怪事話我知,真係好多怪人嘎...笑死我!
我哋坐低飲野傾計,識得我嘎朋友都知道我男朋友返做黎,每次見到我或者傾開計都會問:你男朋友未走咩?幾時走啊?唔走啦?---之餘此類嘎問題!
我同茵茵講:暫時未走住啊,等移民搞掂就走嘎啦!
茵茵(包括所有朋友都問過):咁你點阿?
我?我唔知道啊...."咁你自己無諗過嘎咩?"...我當然向好個方面諗啦!..."即係點啊?"...我等到同男朋友結婚佢咪帶我過去囖...."哎...你地兩個嘎前途都幾坎呵嘎喔"...係咩?都唔係啊..我唔覺得阿!!!......
茵茵送咗我去豬仔屋企,係我想同豬仔講我同茵茵嘎對話之前,豬仔話:我有啲野同你講啊!....你話,你遲啲要同署燕哋係深圳開門市部,你要過去幫手,順便讀嚇書,你又話,你爸爸幫你搞去香港,開門市部,又想你去幫手,深圳香港兩邊走!
你猛問我想唔想你走,問我係咪唔開心,....我係唔開心,但係想你走!
你話一諗起我哋嘎將來就好開心...開心到不得了...仲可以達成你嘎夢想...
我當時同你講:但係我睇唔到我哋嘎將來囖!....依傢我後悔了,我唔應該咁講嘎!我應該支持你嘎嘛!雖然呢個只不過係初步計劃,但係聽到之後唔開心,忍唔住喊!諗起茵茵今晚講過句話,我哋嘎將來都幾坎坷!估唔到咁快又要同豬仔你分開...雖然今次係佛山同深圳香港,比加拿大近好多!但係我有自己嘎學業,唔可以荒廢...去探你麻煩到好似千山萬水咁,你話到時你會買車,但你唔會得閑囖!
無論你因爲咩原因而唔去,任何人都會聯想起我!所以我想你去...唔係怕俾你屋企人誤會我係你負擔,而係我都想你學識點賺錢!...so我唔做負擔女..!!!

今日唔開心嘎事:吉吉有哮喘病!!!.........點算好啊豬仔?

我要檢舉
台長： FeLeFatFet

您可能對以下文章有興趣

人氣(28) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文