星期一收到一令人震撼的消息，有人大方公開戀情，震蕩村中人人，除了我這個心境老到不能再老的老人家，我的感覺猶如聽到有人話"阿媽係女人"一樣平靜，不過我始終由衷祝福這一對，因為兩人都是"善男信女"，希望兩方都可以更長遠更深入的發展啦，可能由於村中人人都受事件影響，有點失常........突然寫出許多感情文章喎。有人引enzyme 作比寓，聽落咁似 0 同 1這數碼理論同reaction machanism 理論o既，唉.........又有d 比人抄o既感覺不過應該可能係"英雄所見略同" 多d。
自始雖然我星期二至四都OT 好長時間，星期五得閒少少，不過夜到深一深先online，亦都比人埋伏到，追問感情問題.......真正實踐到xxx信箱的功能，經常要人發表個人意見，變成o羊o羊夫人信箱咁。不過有水吹下都幾過癮，又可以"竊取"同"窺探"到多方面的人的"思考"模式或者叫"靈格構造"都算幾大收穫!!!哈哈
星期六，史單尼一日遊，真正的令我直接接觸到這"一對"，前後相隔一星期而已，不過果股氣息已經好唔同，無我想像中咁好玩..........我太古怪喇，可能由於這對真的很大方承認啦，真係玩唔落手...........不過補充一句，卡通歹角經常重複的說話：你地因住黎呀!我下次實唔放過你架...........之後敗走。
不過，北帝廟對開石灘太美喇，搞到我忍不住踏跳於礁石間，重影到好都多海膽，唔見過都唔知香港重有海膽係d 咁旺人氣o既地方，可能對鞋磨損得太利害，好滑，回程中差少少失足，好彩平日紮馬有功，幾下踏跳逢凶化吉嗟..........
之後睇了一會表演就出發尖東，比我發現特色建築物可惜相機出得遲未掌握到最佳角度，這建築物感覺有如外國人心中的香港的縮影呀!!!不過作為香港人都覺得真係好正架。
之後落吧食飯，再去MK可惜旺電關門了，黃金亦都..........
PS：雞仔媒人我最憎，斷絕邦交有可能。唔係我唔玩得，不過哩d野唔應該玩，哩個topic 唔可以話要好嚴肅但唔應該輕蔑咁對待，大家都咁friend，玩出火就唔好啦，我真係一個唔適合拍拖o既人，我想做的事太多，要改進的亦有很多，學人話齊：我有太多不足喇。而且今次牽涉的人物都有很多優點，不久將來必然找到更好歸宿，希望大家唔好拖人落水。
PS 2nd：都係未剪到頭髮，過多兩星期又就夠長紮辮..........
文章定位：
