24h購物| | PChome| 登入
2008-03-06 03:23:47| 人氣96| 回應3 | 上一篇 | 下一篇

又一個可能無朋友做的朋友??

推薦 0 收藏 0 轉貼0 訂閱站台

上個星期打電話找一個朋友, 言談間提到, 佢一個女性朋友話佢, 同太多女仔熟且對女仔太好了, 所以咪無拖拍囉~~ so now要減少同女性接觸喎!! 又話要慢慢退出我的老友圈子喎~~(因為我係女性) 我同另一個老友講番, 大家二口同聲地講: 白痴架佢! 咁無性格架, 人講咩佢做咩, 無d主見. 我直頭想講一句: 頂~~ 咁o既性格, 唔怪得咁耐無拖拍啦! 尼個至係main point, 即使依家佢終於有個女朋友, 我都不予置評, 反正佢地24小時做孖公仔, 我理解唔到點解, 因為我從來唔會亦唔鍾意同男朋友做長時間的孖公仔, 我覺得雙方都好無私人空間, 可能佢地覺得咁樣至有存在感掛! 但對我黎, 似乎只係另一個老友的情況的安靜版而已! 無咩分別! 咁所以...既然佢要退出, 我亦唔會阻佢, 無意思丫! 我亦同左另外兩個老友講, 在我角度, 我心淡了, 無心情找佢, 亦唔想找佢, 咪唔找囉! 反正每當打俾佢, 佢身邊一定有個女仔(依家的女朋友)晌到, 然後永遠講野都唔似得以前o既佢咁, 咁大方自然, 好似嘾上頸咁, 阻住阻住, 講唔出野咁, 無意思啦, 算啦, 再見了...老友→朋友→人, 祝你日日都開心快樂吧!

而我...或者會繼續自閉下掛, 因為我發覺, 自己近排真係無咩mood, 亦心機理朋友唔朋友, now最重要的是先找到新工作, 其他的later再算吧!

* 我估, 如果佢睇到尼篇野, 一定話早知唔講出黎的~~ 不過我情願知道, 我選擇退後, 總好過佢慢慢離遠我的圈子, 而我卻唔知道發生咩事, 咁樣我仲加唔開心, so 依家咁樣可能會仲好呢?!

我要檢舉
台長： 小雲雲
人氣(96) | 回應(3)| 推薦 (0)| 收藏 (0)| 轉寄
全站分類: 不分類

我要回應
小雲雲
唉~~ 其實都過左去了, 算吧! 睇左佢同另一個老友曾經晌我最無助, 需要人支持的時候, 支持左我兩年有多, 其實都要多謝佢地, 亦好好彩, 有佢地支持我至畢到業, haha, so順其自然啦! 畢竟曾經是老友嘛~~ :)
2008-03-08 00:24:43
青云
如果你真係咁樣諗我既, 咁就算啦
我從來無講過話勿野要退出你朋友圈子既話
如果我真係會咁做,一早已經做左,亦唔會care你咁多.的確係有個女性朋友比左意見我, 話唔好care咁多身邊既人,唔好咁博愛,女友會唔喜歡.咁你係咪真係覺得我會唔理你先,係咪真係唔會請你食飯先,有時你諗d野唔係絕對家,唔好成日當你想既野一定0岩,如果你真係覺得心淡既,我都無辦法,但我從來無話退出老友團什麼的,我亦覺得自己現在比過去,更可以打開心窗和你去傾談,如果是從前的我,我不會跟你說有女性朋友什麼的,主動跟你說我在拍拖什麼的,就是這樣,你自己想想吧
2008-03-08 02:14:18
青云
順便跟你說, 那個女性朋友就是我以前最喜歡的女孩子,這點我從前永遠不會跟你說的
2008-03-08 02:15:58
版主回應
或者咁係因為你依家拍拖之後覺悟到要對人打開心窗說亮話吧! 係好事丫! 不過, 說實在, 我心生病了, 已經越來越無心情理其他人o既事了, 或者係因為自己已經好多野諗, 或者係因為聽左太多野, 或者係因為被太多人傷透了心; 或者係自己有幻聽, 或者係自己有幻覺, 或者係自己夢遊吧~ 反正我每日, 日頭處於惡夢中, 夜晚睡於惡夢裡, 所以我都已經唔識得分你地幾時講真話幾時講笑/假話了, 反正我覺得對我無益的或使我受了傷就是了, 哥一刻我心裡真係想喊的, 覺得好似識左咁耐的友情一下子淡然無存咁. 可能你尼一刻已經爆緊粗罵我, 不過我已經唔會再問你的事或甚麼的, 你喜歡對我講我就聽, 唔喜歡的就找你的兄弟們吧, 反正我係姊妹就是了~~
順便一提, 你的私事其實每一次都係我留意到然後追問你, 你才考慮一輪話我知的, 而唔係你自己講出來的, 我唔想自己變成一個八婆, 或者管家婆, 因為尼個職位應該留番俾你女朋友做; 老友之間係應該自然地坦誠相對(如果你係當我係老友的話), 我唔係要求身邊的朋友成日請我食飯, 或者個個都好似我咁咁白痴, 係人都信, 但至少我希望我的朋友唔好對我有界心囉! 而且你唔似得護咁, 遲鈍到爆燈, 要人問至會答呀! (護, 唔好話我啦!)
2008-03-15 01:00:48
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文