★Ca Ca小天地★ 每一日都要自己過得開開心心, 快快樂樂! 另外要俾心機讀書lu.....Sure Win*

139愛的鼓勵 0訂閱站台

23號去左La Salle Annual Christmas Ball
晨早９點要番學校補課..係中史...補到５點...差點虛脫~~
番到屋企換衫去...７點去到程瀅屋企
會合佢表妹＆表妹既fd, 就出發lu....

４條女攔搭的士去, 個司機勁好笑..猛咁問我地Ball D野
佢仲要講番自己以前去Ball 既野...年紀雖有一段距離，
不過原來幾廿年前D Ball都差唔多，司機仲叫我地加油，似乎另有含意..

o....落到車, Jason 已經係門口等我地
與之同時有人從後叫我"阿Ca".....
原來都有６個倒既低-form 迦密人去(姓名廢事透露啦)
不過都幾surprise~~~

入到去，個hall塞滿人...頓然覺得個hall好細..
當然一開始行黎行去，大家都唔敢輕舉妄動....
原來除左有D男男女女係度跳舞之外,仲會有D節目間下場既
第一場：有４個“肉”女係度跳舞，唔知係咪因為呢間男校太飢渴
　　　　所以揾女dancers都要少布過人呢? 另外都有D喇沙仔跳舞show off

第二場：有TQ冠軍(被譽為喇沙李克勤..都唔知係唔係吹水)同一個女仔唱合久必婚
其實都幾好聽既..仲有呢個冒牌李克勤SOLO傷信

第三場：有一個好得意既小朋友名叫龍太郎表演hip-pop, 好型!
同埋選Ball King & Ball Queen(即係名義上揾５男５女上台等人選）
　　　　不過個Ball King 都有番咁上下既，唔...評語係好過迦密人..he~

講番我點經歷呢個Ball喇~
第一個同我跳當然係Jason啦～起碼熟D先啦!!
不過佢都好似識識地咁既款, 我就完全處於樣衰壯態
程瀅都係同Jason個Fd跳,名叫Vinci,但係叫Richard好聽D~

詳細點講得哂啊...大約講main pt 喇!
有個F.5仔揾我跳 ===========佢堂家姐原來係張惜華, 世界真細小!
===========送左支黃玫瑰俾我，不過o徒左佢$20
只係講一句...喇沙略水..
請人食左一顆檸檬===========唔小心請既，因為當我一個正值揾程瀅
　　　　　　　　　　　　　　無啦啦請人跳舞(佢可能以為我想揾人跳）
但係望程瀅心切,唯有斷然拒絕
有人撞人事件 ===========當我同程瀅行黎行去時, 咁岩程瀅同人傾緊計
　　　　　　　　　　　　　　有個男孩向我走來，請我跳舞，係呢一剎...
殺出一個不知名既hip-pop友,攝左埋黎
理直氣壯地叫我同佢跳舞，娘到爆!!

咁樣就11點lu...影左D相就走人!~
同程瀅，Jason，Vinci諗住去食野,不過卻演變成影貼紙相..haha~
不過講真呢一役都係好好既經歷黎既...對我黎講都幾新鮮，幾特別~!