新聞| | PChome| 登入
2004-12-11 08:54:30| 人氣45| 回應0 | 上一篇 | 下一篇

最愛運動會

推薦 0 收藏 0 轉貼0 訂閱站台

係中學生涯最後一次既運動會終於完左lu.....
真係有D唔捨得tim!!
唉～如以往一樣都無好好咁影番幅靚相，只係頻頻撲撲咁係咁跑
諗番起覺得好o徒....算喇～運動會既每一個片段都會儲存係我心內....

今次雖然係我攞得最少牌既一年..得4個，不過亦係最唔驚既一年
可能因為已經豁左出去lu*
今年終於攞番最佳運動員，不過唔係全場...只係女甲
不過都要知足lu~話哂女甲，女乙，女丙都攞過~屋企存放住三個獎杯！

當然最美中不足既係七年都未攞過全場最佳運動員同埋
竟然六年4x100接力都攞冠軍既我, 今年只係得第五，三甲都無
真係未試過追極都追唔到...好唔開心!
由我踏足田徑場開始，同自己講過唔容許任何人係我前面跑
即使有，我都一定會追到佢，睇黎我已經將呢個承諾打碎左
對唔住我既隊友....我同佢地講過無論点落後，我都會幫佢地追番
誇大海口既結局就係咁...

不過，每件事始終無完美既...唯有咁樣安慰自己~~~
講番D開心野!
1) 今年終於做番短跑既女飛人，因為前幾年都係玩400同800米
2) 恭喜忠社攞勇奪全場同團體精神獎亞軍，同埋啦啦隊一直以來咁努力
3) 阿卓終於攞到男甲最佳運動員，前社長大家一齊攞獎杯
4) Elmo雖然跳高, 鐵餅同接力都攞謹勁四，好似空手而回咁，但係已經為社攞左　　唔少分
5) 周雨林係800米創造出驚險場面，施展200米先開始追人既奇技，咁都俾佢攞到　　第一，真係要寫個服字，但係400米相反地攞第尾，實在令人啞口無言
6) 程瀅竟然人仔細細玩鐵餅都攞第八，證明人不可以貌相既道理
　
總之，好多謝一直支持同鼓勵我既朋友...當中梗係有倫倫啦~!
PS: 哈哈～亦好多謝有兩位唔敢入場，而係出面久候既人兄
　　多謝你地真正做左係背後支持我既人...

我要檢舉
台長： 阿Ca Ca
人氣(45) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文