平安夜。
失身夜。點解平安夜就要失身? 呢個真係唔多明...
我呢幾日要番工，都唔會睇功夫...
希望身邊既人睇完既話，唔係周圍講啦...好鬼驚呀~依家唔敢聽，newsgroup又唔敢睇...
我個MSN依然無得俾我用mouse寫字。
醫生同我講，我o個執白頭髮有兩個原因。一係就係遺傳病，咁樣就唔會好番架啦，不過佢就唔會惡化。
另一個原因就係白蝕。呢個就係一種病，可以食藥醫好。
不過要留意下佢有無擴散咯...
呢個時候我又醒起，我右邊面曾經出現過一小忽白蝕...
星矢已經開始跌價啦...不過我仲未買...
多謝lesley妹份禮物~
今晚保祐我唔會做錯野...
尋日去左打機。唔係好過癮，因為被人蹂躪...大佬斌仲打到想訓咁滯。
鬼黑嫂尋日應該好開心啦~哈哈~
生日快樂!
第三個學期終於o係一聲you may leave now之下完結左。
唔係好知自己答左咩既情況，都答到d野。
都係o個句，種瓜得瓜，我覺得自己達到目標咯，讀得咁"勤力"...
又到聖誕，又到聖誕。
不過呢個世界原來好多地方都無聖誕。
同貧富懸殊一樣又係一個死結。解唔開。
算啦，祝朋友聖誕快樂既時候，對自己都講番句，"Thanks God!"或者"南無阿彌陀佛"會好d...
祝大家呢兩晚都會玩得開心啦~
如果25號晚上黎食兩個set dinner，會有modern beauty coupon送喎，免費做facial或者spa喎...(賣廣告....XDDD)
今晚好似仲有drink buffet添
100蚊位任飲...
不過都係o個句，d野真係唔抵食。
又睇左西遊記。每次睇親西遊記，就好記得有一晚去左肥邱老竇間鋪頭既閣仔，幾個人o係度鋤啤，然後無視就一口氣連播上下集，我地就由深夜睇到天光。
曾經有一份好真摯既感情擺o係我眼前，不過我無去珍惜，到無左既時候先至後悔莫及，塵世間最痛苦既事莫過於此，如果個天可以俾機會我番轉頭既話，我會同個女仔講我愛佢，如果係都要o係呢份愛度加一個期限，我希望係......一萬年
所以話，就妖要好似做人咁樣，要有仁慈既心，有左仁慈既心，就唔係妖，係人妖
人同妖精，都有阿媽生，不過人o係人阿媽，妖係妖那媽
悟空，你曳曳啦，我教你好多次唔好亂咁掟野，你又唔聽話啦，o拿，話口未完連枝棍都dup埋，月光寶盒係寶物，你亂咁掟，會染污環境架，好容易掟親d小朋友，就算無小朋友，掟親d花花草草都唔好既。做咩呀? 你愛呀，你愛要出聲至得架，你愛我會俾你，你唔愛我當然唔會俾你，無理由你話愛我唔俾你，你唔愛我俾你架，大家講道理架嘛，o拿，我數三聲你話愛唔愛啦，一...唉ya...
所以我就捉住隻烏蠅鍊爆佢個肚，必佢d腸出黎，將再佢條腸箍番住佢條頸，然後用力一扯，成條利筋出左黎啦，我再手起刀落，嘩，成個世界清靜晒。
仲有最經典既"登登登登"...
喔喔喔...
only you can take me取西經
only you 能殺妖精鬼怪
only you 能保護我
唔使俾d蚌精蟹精o嗒我
只有你咁勁 就是only you...
祝大家聖誕快樂，唔好飲醉，如果要咩就一定要做防備功夫喇!!!
文章定位：
