我唔怪套戲...
係我自己期望錯左
睇佢trailer就以為係喊戲，一定好慘
結果入場，過左一半，全部笑位都ok既...
但係我不斷同自己講，呢部係慘戲，無理由叫自己笑完之後又即刻變到好傷感
所以唔係好投入咁笑
仲諗住咁樣同人介紹部戲"頭一半係笑片，尾個半係局你喊"
結果自己白痴
原來套戲真係真真正正既笑片
喊位只係得一場戲
就連呢場戲過左仲有多一個笑位俾你笑番
咁試問一個抱住睇悲劇既心態既觀眾睇完發覺原來係一齣笑片...佢仲會唔會話好好睇呢套戲
佢仲要係一齣包含警匪動作追逐火爆元素既笑片...
我地五個人睇完都一致...唉
車太鉉，你o係度做咩呀~~~
今日同clarence o係銅鑼灣行左陣~
買左<忘不了>，不過搵唔到<大隻佬>
然後o係銅鑼灣撞到好多人
見到阿齊一枝公，竟然唔使約就可以見到面，唔怪知得你係我best friend啦阿齊
然後行上幾層就見到阿銨同佢男朋友仔~仲著住情侶裝添~
睇完戲見到李蘢怡，應該係上緊red box唱k
呀....係...仲見到劉慧卿添...
ps.有人唔記得左寫日記呀~~~哈哈哈
文章定位：
