封面圖:
左起:
睇報紙阿伯，李暉，洛文，齊，聰哥，清潔阿嬸，去廁所中坑，笨力，肥腸，西裝友，鼻希，西裝友2號，6A俊霆，砲華，Wilson，停車場看更
(除球場上各人外，其餘不知名人仕皆不易在小圖中發現)
@中七，灣仔小童
===========================================
唉...
阿齊，我自己一個人做做下野，又o係度諗野啦...
我知你會問我做乜諗野...
其實都係諗o個d野。(唔係賤野呀!)
都係你好有興趣知o個d...
雖然依家係唔想，但係總有一日我又會開始想拍下拖。
亦都因為咁...我到呢d時候又會十五十六架啦~
你都知我驚既。
我同你份人好似對住呢d野既時候都唔係好夠自信，當然你好過我啦
就係咁樣畏首畏尾，搞到自己會為左呢件事去煩。
唔知點解，我就係唔可以去洒脫咁去做個決定。
成日諗如果衰左就會點會點...其他人通常就會o係呢個時候講...
試下先知得唔得架，或者無你諗得咁灰呢~
係既，如果我大無畏，我諗我可以一d都唔怕，想做就去啦~
可惜自己又唔係咁既人。
好驚到最後...賠了夫人又折兵。拖又拍唔成，又無左個朋友。
最慘係無左個朋友...
俾人拒絕，無所謂丫，自己又唔係高質素，又唔識追女仔，食檸檬都好正常
但係拒絕完，如果一個唔好彩，唉ya，之後成日煞有介事咁
尷尬無計傾既話...嘩...我真係無地自容呀到時~
自己諗完又覺得自己真係白痴。做一件事點解要諗咁多野...鍾意咪得咯
自己係太計較得失掛...唉~改唔到
諗起暗戀o個種感覺其實都幾開心，幾舒服。
你應該都同我一樣都好享受掛~
哈哈~~
過左澳洲之後，我地都繼續keep住傾下大家d感情生活，又吹下水咁~
所以你都知我好多野，哈哈~
講得既，差不多都講晒你知咁滯啦...
多謝你成日一得閒同我ICQ~~好鬼開心架~
快D到七月啦，你番黎我地去同肥腸佢地打波。
夜晚你地飲啤酒，我飲可樂，吹下水，一樂也~差佬埋黎周我地，你rap d英文佢聽啦~
我就負責同肥腸唱陳冠希首香港地咯~I Rap the Police~I Rap the 肥騰騰~
唉~又三點啦~
番去做野lu...呢封信如果寄過黎澳洲，都唔知幾多日先收到lu~
寫o係度俾你算啦~又唔係寫得多~
早抖啦，齊
得閒咪留意下Malay或者國內既同胞咯~再唔係番黎仲有好多選擇架
笨力上
===========================================
文章定位：
