第二日行程: 第一站牛房倉庫.
由酒店坐專車去新八佰伴, 無錯, 係NEW YOHAN, 原來佢搬左去葡京後2條街, 一裡好高的大廈, 單是NEW YOHAN 已8層高 (如沒記錯的話)
再轉巴士去牛房倉庫, 呢個係咩東東, 其實就係一個空置左的地方, 借左藝術團體搞文化活動, 今期係展覽.
11:30去到, 點知, 原來12點先開.
周圍又冇野行, 陸生同我在門口影左幾張相, 就後就話走.
走?? 坐左咁遠車 (就快到關閘, 即係澳門的另一邊盡頭), 咁快就走?
我: 可唔可以等多一陣呀?
陸: 你好想入去睇咩?
我: 係呀
陸: 你想入去睇又唔一早CHECK下幾點開
我: 我邊有想到佢11點都唔開O者, 算喇, 你唔想等, 走喇 (火氣)
陸: 你自己又唔CHECK清楚
我: 就算係, 都一場黎到啦, 咪行行企企, 搵個地方HEA下咪半個鐘LOR, 算喇, 你唔等, 走LOR (發脾氣行去巴士站)
陸: 咁去邊呀?
我:唔知呀, 我想去邊都無所謂啦, 去左都等於冇去
陸: 係喇, 返去等喇
我: 唔等呀
陸: 咁去邊呀?
我: 唔知呀, 有巴士去媽閣廟咪去媽閣廟LOR, 有車去旅遊塔咪去旅遊塔LOR
((都唔明D男人諗咩, 就算唔係當時在當地先知12點開, 就算一早知, 都係要等GA LA, 因為架酒店車係10:30 開, 去到邊都係要等))
算, 去旅遊塔, 我唔同佢嘈, 嘈黎做咩
好高呀~~~ 踩在玻璃上, 有D腳軟
見到有幾個細路玩SKY WALK, 哇~~~~ 少林功夫加唱歌跳舞??? 雜技呀
行完旅遊塔, 就坐車返市中心, 在英皇娛樂場玩左一陣老虎機, 哇, 佢真係出5蚊大銀, 一個個5蚊COINS 呀, 這是我唯一玩老虎機WIN左15蚊
之後, 去左澳門購物天堂 (在碼頭有張大大大燈箱廣告, 話如果冇去過NEW YOHAN 即係無去過購物天堂, OH~~~) --- 新八佰伴.
超市D 車仔, 小朋友可以入去坐GA, 有新幹線同KITTY 揀, 好得意, 如果俊俊細個D 都可以坐
街過見到有葡TART, 哇, 新鮮出爐, 好熱
根據FORUM 所講, 我地去左新帆船食DINNER, 陸生話好貴WOO
(邊個叫你俾我知你WIN左錢呀, 況且我真係唔多知呢間係高級餐廳 (就算食完就唔覺佢係好高級, 因為張TABLE 冇舖格仔TABLE MAT)
2個人, 食左400蚊
在車返(乙水)仔, 幫皇冠影張相先, 哇, D 字咁大隻GA, 迫爆左個鏡
返酒店食在NEW YOHAN 買的北寄貝, 成條鎖匙咁大塊
下回續
文章定位：
