24h購物| | PChome| 登入
2009-02-10 01:16:50| 人氣67| 回應0 | 上一篇 | 下一篇

又2個月了

推薦 0 收藏 0 轉貼0 訂閱站台

咁快又兩個月了, 對上一次係12月尾, 呢個blog 成為左月記,haha

呢2個月發生過咩事? 好多都唔係好記得了, 日日返工, 好似好充實咁, 對住班不知所謂的學生, band 3, 真係band 3.

12月, 同左榮少,林小姐,pk食飯, 感覺.....無咩野呀, 之後都有同pk傾過, 佢都無同我講過佢同梁小姐的事, 無所謂啦, 佢想講時就會講啦.

返左呢份工, 真係看清了所謂((八十年代末後生仔的工作態度)), 話佢係蠢, 又唔係, 話佢係懶, 又唔係..... 總之就係少左一份肯聽人講的耐性, 亦無去真切的想過工作係咩一回事, 隨波逐流.

12月, 終於租左個格仔放野入去, 其實, 地點真係好重要, 所以頭一個月都係無咩起色, 我只係想散左手上的貨, 散左就ok了.

結果, 第一個月賣出左好少, 而家轉左去另一個格仔, 似乎又好左d, anyway, 我都想離開屯門去做, 因為呢度d客群真係好小, 而且唔似得市區咁方便and人流高.

因為返左呢份工, 好多野都做唔到, 忙到連check email都無, 加上部電腦開唔到機, 搞到我好多files都無左, 仲有這1年半以來的數碼相, 無喇, 無晒喇,好在仲有得在facebook看.

facebook帶來的好處係可以八到人好多野, 亦有好多人將自己o既野放上去, 呢個平台係幾好用o既, 但就令我少左上blog, 表面上可以每日上去看看朋友update左d咩係件好事來的, 但其實就令人少左直接的溝通.

好累, 返呢份工真係令人好累.

早幾日, 放左一日年假, 一個人去左赤柱, 好relax. 可能太耐無郊遊過, 所以都唔知要帶d咩, 太陽眼鏡同cap 帽無帶, 好在, 仲有支防曬, 一朝早同姨媽在荃灣飲了茶, 就一個人去左行, 得自己一個有好有唔好, 可以好自由想去邊就邊, 但就少左一把聲同一隻手同我行. 行完赤柱, 去左中環行h & m, 本來想買返上次看中了的圍巾, oh, 無左lu, 唔緊要啦, 都買到野俾自己, 當係俾自己一份新年禮物啦.

朋友的媽媽過身, 在他打電話來同我傾的那一剎, 聽得出佢好緊張又急, 搞到我一邊聽電話一邊又喊, 但又唔可以俾佢知. 因為.... 事情來得太快, 當我又想到如果那個是我, 我又會點? 之後又再想起外婆, 喊喊喊..... 我真係好掛住我婆婆, 我仲好記得當日早上打返去同校長請假時喊, 在巴士上無端端又喊,去到醫院見到我媽又喊, 入到去見到外婆已歿更加喊喊喊....

說到朋友的事, 又想起了fion, 想到將來她又可能面對差不多的情景, 又再喊. 連陸生也笑我, .......

唉, 人生就係咁, 不斷的在笑笑喊喊中渡過

好喇, 夜了, 要睡喇, 明日音樂劇rehersal, 唉.......

講真, 我真係唔多鐘意呢份工, 幾時先可以轉?

台長: 小妹

您可能對以下文章有興趣

人氣(67) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 小妹新聞透視 |
此分類下一篇:咁快又4月了
此分類上一篇:看了想哭的測試~~太準了
TOP
詳全文