黎到第二日
我晨咁早就醒左啦
因為我對住個部得16度既冷氣加上個強勁既風扇
真係我成晚既小"涼"伴呀
咁一早起身
庭庭就出左去詠春啦
而我就係隔離做下早操拉下根咁
食完早餐後
各組都開始預備個天才表演啦
我地個組係表演音樂劇
以男女對唱既形式黎做戲
由男仔以一首=對面的女孩看過來=黎開始撩女仔
女仔就唱=你說得對=黎問男仔係咪真心先
咁男仔就不甘示弱唱左首=愛是最大權利=啦
點知女仔只係超左一聲
咁男仔就再黎首=接受我=
唱完女仔就對住男仔唱=886=啦
咁男仔就好傷心咁唱=夕陽無限好=
中途女仔就加入黎唱
最後做唔到男女朋友都可以做到=朋友仔=姐
預備好左
咁我地就去左玩繩網啦
好想玩車 車太過山車呀
但係由於唔夠時間
到最後我都係好快玩完車 車太飛碟就要走啦
好傷心囉
係繩網度用左好多力
點知去到龍舟仲用力
爬到我d汗入哂眼裏面
隻腳同隻手都好痛
雖然我爬得慢
但係至少我盡左力啦
所以都覺得好好玩
玩完龍舟panasonic仲同我地加左場撥水戰
勁正又好feel
之後我地3,4組d人就衝左上去沖涼
係人地爭住用廁所沖涼既時候
我間房先得我一個人係度
咁我就一路沖一路聽住外面好亂既聲音啦
鋤左一輪d又black jack左一輪之後就食飯
食完飯就到左大家千呼萬喚既天才表演啦
第一組出去既係做廣告
我個人覺得佢地做Leon個3G長情個時好正
好鬼有feel
之後到我地組出黎
可能因為我地好有爆肚成份又練唔夠
出黎既感覺好爛
有一組係唔知好似係玩代灰姑娘
個灰姑娘嫌自己唔掂走左去整容
整左對假波好鬼攪笑
仲有一組係周瑜溝女
又唱歌又點咁為左溝金鷹
最後見到個樣個陣又嚇死左自己
仲有白雪公主
有d人做d角色做到真係似到好似自己咁
真係抵佢地贏左
仲有上海灘
係咁一輪亂射
咁我地個天才表演又完左啦
panasonic係呢個時候又出招
同我地玩左個"黎到麥當勞呀,睇下食咩先呀"
一路薯條一路麥樂雞一路軟雪糕咁
攪到個個都好似抽筋咁
個場面既攪笑又壯觀
番到去營房
我地今次就主動四圍搵人啦
玩既玩吹水既吹水
有男仔入女仔房又有女仔入男仔房
正當我地成廿個人有男有女吹水吹得興起既時候
葉sir黎左check房
咁就出事啦
d女仔入哂廁所
但係最後又俾人搵到
之後所有房長就俾人叫左去圍圈傾野啦
傾完之後有好多人都好冇癮咁訓哂
只係剩番好少人係出面公園吹水
而我就係其中一個啦
但係吹黎吹去都唔知吹咩好
基本上我地係為唔想訓而吹水
而我個人係一度訓一路吹水
因為個日實在太支力啦
我吹到3點幾就不支倒地啦
文章定位：
