王宜洲鄰近西貢
係一個獨立既島仔
我地一行人搭船入到去
入到去第一時間就係分房啦
我地六個人(我,竣賢,可樂,子A,阿庭,金鷹)
同一大班好可愛既小動物(小強,四腳蛇,蟻哥,蚊仔仔等等)
一齊共用一間10人房
所以大家都有好多空間走動==
放底哂d身家性命財產後
我地就分組去射箭
係呢度先介紹下我地班Kind子先
無錯
我地就係第3組Kind子隊(我,蘇少,阿Tak,鄺展,阿達,晴晴,阿尖,可力,PKM,小霞)
We are kind ! Kind is the best !
係咪嚇到O左嘴呢
我地係第一日同第二組既野豬撞門一齊射箭
大家手執弓箭
一聲哨子聲
除左個箭靶外
我地咩都射中哂(人地個箭靶,崖下面,個網,草地深處,隔離座山,上面對鷹,仲有太陽等等)
咁經過我地一輪神箭之後
d箭都唔見得7788啦
唔怪得ET話d箭有腳啦
我話d箭直頭有翼啦
射完哂d箭
我地就黎個野外烹飪啦
每組有5個蕃茄,7隻雞蛋,10塊火腿,10隻雞中亦,1罐粟米,1大蘿生菜同10包公仔麵
開頭我地諗住食飽就算啦
所以就諗住打邊爐
點知佢地突然又話要計分
攪到我地諗到頭髮都白埋
終於諗到以下既野食啦:
(5塊火腿+2隻雞蛋+1罐粟米)=愛心粟米湯
(2個蕃茄+4塊火腿+生菜做底)=Kind子荊廣場
(10隻雞亦+生菜做底)=Kind子雞
(5包麵+2個蕃茄+生菜絲)=涼拌公仔麵
(5隻雞蛋+1個蕃茄+1塊火腿+生菜絲+生菜做底)=蕃茄火腿生菜奄列
不論味道定賣相
其實我地都算係做得好好架啦
而我地一俾人俾完分後
亦一樣不剩咁食哂
因為真係幾肚餓下
食完野洗完野
即刻又有野外歷奇玩
所謂野外歷奇
姐係考你地體力智力同合作性既群體過關遊戲
可能係因為我地一開始玩左d最易玩既先
所以玩到中途我地都開始遇到不同既瓶頸啦
係寸步難行之中
我學識左原來大家要一齊做一樣野
即使係好簡單都好
我地都好辛苦先過到
令我知道左合作唔係用口講
而係要每個人既力量先做到
去到蜘蛛網
我更知道我地既女仔係好信任我地既男仔
一諗到呢度我真係好開心
因為我地既女仔同我地玩呢一關個時
係係一個人手又唔夠
力又唔夠既情況下
俾我地抬到好高黎過上面既位
唔可以否認
真係好危險
我地一邊要同時抬手同抬腳
後期係二個男仔就要抬起一個女仔
抬到高過一米
男仔唔夠力
佢地隻手都抬到好震
但係佢地冇咩怨言
其實個一刻我地心都有驚過
但係俾人抬起最危險既女仔們
冇出過聲
問心
佢地仲勇過我
而我只不過係負責係對面接人
既唔係鄺展阿達咁不停抬人
又唔係女仔們咁將自己交出黎
係呢度我都好多謝其他組員對我既包容
俾一個咁既人lead住都冇怨言
Thx all of my members
玩完一輪遊戲
我地就番番自己既房啦
沖完涼見冇咩姐做
而我地鋤D又鋤到悶啦
之後我出左去同佢地一班人玩Killer
我做黎做去都係做平民
又冇人Kill我我又唔知舉報咩人
如是者過左幾鋪
我就不幸地終於俾人Kill啦
其實係我未玩前
就係度諗當我一俾人Kill就好可能係個個人Kill我架啦
點知到我俾人Kill左
初時都唔知係邊鬼個
點知當Killer起身個時
佢竟然向住我笑
冇錯玩Killer就係睇仇家既好機會啦
就係咁
我就俾阿Λ殺左啦
之後又有一鋪做police
唔知點解突然有種Feel killer就坐我隔離
又見到庭庭神色凝重
咁當police起身既時候我就估佢啦
點知又真係估左
佢真係唔好運啦
因為剩番一個killer
我就同大家講我sure係佢
咁遊戲就玩完啦
哈哈.....
但係如果有機會比我做Killer
我一定殺到一個不漏囉
哈哈哈哈.....
第一日4點訓
文章定位：
