講明先，我覺得 INESKIN 皇牌凹凸洞修復療程個價錢好正常！亦都會對其他人有效（只要做既次數夠多），我呢篇野就絕對無收錢、唔係引戰，唔係話INESKIN 皇牌凹凸洞修復療程唔好或者太貴！我純粹係講我個人感受咋，唔好插我（戴定曬頭盔)
[嚴重Highlight] 拿，我真金白銀去試去出report架，唔好話我係黑手或者軟廣呀，講個人感受、講事實咋，希望都可以幫到有粒突洞既巴打或者絲打！
就咁，INESKIN 皇牌凹凸洞修復療程首次體驗價係2,980，話係體驗價但差不多成3k，比我想像中貴......但其實我都下定決心去搞好粒突洞，所以都想試下究竟3k可以搞到啲咩花樣出黎，做一次又可以好幾成？
插播一句，大家千祈唔好咁天真以為呢個世界有咩去粒突洞藥膏、去粒突洞skin care護膚品個啲，我覺得充其量都係個綽頭啦，去粒突洞藥膏或者cream入面多數都係果酸成分加膠原蛋白、B5同透明質酸個啲啦......總之就係刺激膠原蛋白增生，但我上網睇過，其實護膚品既成分分子太大粒，根本入唔到皮膚底層，更加掂唔到膠原層，所以個啲用「撫平粒突洞」、「去粒突洞」既skin care充其量都只可以補下濕、去下死皮，令皮膚無咁粗同光滑啲，要真係去到粒突洞要用「微損」療程架，咩叫微損、微入侵？下面解釋比你聽！
其實對付粒突洞，皮膚唔破損下真係唔得，因為搞粒突洞就係個「置諸死地而後生」既過程，首先要控制性咁令皮膚「受傷」，而且要受傷得好有技巧、好均衡，咁先可以令全面均衡咁生膠原蛋白架嘛！
我做過功課，要用醫美去粒突洞大概得２招，皮秒激光同射頻微針！
INESKIN 皇牌凹凸洞修復療程話自己係結合（熱能+破損）技術去更新膠原，講既其實就係射頻+微針，究竟個原理係點？用一方格微針頭（好似有九支黃金鍍膜既針定點），毫秒咁快插入皮膚（微針入去既深度係可以較，插你人中同插你兩邊面個皮膚深度唔同啦梗係），微針一入去差唔多同時就會發出射頻能量加熱皮膚，點解要加熱皮膚？被插穿既皮膚都未出血，熱力就凝結左血管，止曬血又可以用熱力刺激埋膠原增生囉......
所以係呀，直接用微針同熱力去破壞皮膚表層同底層，咁就可以刺激膠原蛋白增生去修復皮膚，咁膠原激生之後就會撐起皮膚、撐起粒突洞！
其實皮秒激光去粒突洞個原理都係大同小異，我等下再講。
微針射頻係有用架，唔理係韓國機、美國機都會有用......但係做一次比皮秒激光更加貴，而且......更加痛！
INESKIN 皇牌凹凸洞修復療程有用，但頂唔順被針吉！好痛！
去INESKIN做療程之前循例睇皮膚、檢測皮膚狀態同埋解釋返個療程原理吧啦吧啦......呢啲都係must，其實香港成街都係皮秒激光Pico，而且去粒突洞既主打都係皮秒激光，但係我覺得，如果我想做皮秒既話幾時都有得做（仲有免費試做添）但微針射頻就比較少美容院有入，而且都無得免費試做，我個人就比較反骨，所以就做呢個先......最多覺得唔好咪去返做皮秒激光囉係咪？
首先會做左Aqua peel先，呢個大家都知係咩料，唔詳細講，做完peel就會開始做微針。
但做既途中，我已經知知地點解無咩人會揀做微針......
微針吉落黎係好快，但最慘係要吉好多野呢，成塊面都要吉，而且未必淨係吉一轉（我係好感激佢地幫我吉多幾下、吉多幾圈）被針吉既感覺好難受、好難頂，痛就唔係成塊面都好痛，只係皮膚特別薄既地方，好似「權」骨位、鼻頭肉、人中個啲位真係超痛，一度痛到我標眼水......男人老狗眼都濕埋，可能係因為我真係好憎比針圾個感覺，其實個感覺真係好似比牙簽吉，大家想像一下就知道，全塊面比牙簽吉咁多下係咩感受......真係抵抗唔到個種入肉既痛感！
但我不嬲都係死忍個種人，因為錢都比左、瞓都瞓係度，都無得放棄徒錢唔做架？死忍囉仲可以點！我無嗌痛亦都無叫，但美容師見到我條眉皺得咁緊就問我係咪覺得好痛，但其實就算我覺得痛都無辦法、佢都無乎，唔通齊齊放棄咩？最後佢都係叫我忍多陣，於是就打埋佢。我成個過程都死忍，淨係諗住快啲完、快啲完、快啲完......
美容師最後都應該忍左手，快過平時完，最後就會敷個gel mask，個mask好似幾貴，聽佢地解釋左一大輪其實我都無咩聽，淨係諗住：X，終於搞掂，我解脫啦！我以後都唔會再做！
我做完試做就走左，真心無諗住買Plan，無論個結果好唔好，呢十幾二十幾分鐘我真係頂唔順，可能有啲人OK個種針吉feel、有啲人唔驚痛，咁呢個療程就岩你做，同埋其實個療程試做價好正常（我唔知join plan幾錢，無問亦都無認真聽），單做微針射頻，出面非常抵既可以join plan壓到2k以下做一次，但我覺得呢度試做價都合理，首先個微針做一次你當佢千九，再加埋peel同敷gel mask，OK既！可試！唔驚痛就試！
最後都係用PM既P9皮秒激光去粒突洞，買左10次先
係，最後我都係去做皮秒激光Pico去粒突洞。
皮秒激光只要一加蜂巢頭就可以將啲激光分散成好多束光，起到同微針同一樣既效果，喺皮膚度平均用熱力戮穿好多個細洞洞，令皮膚有均衡既傷口，可以刺激膠原修復同增生，分別就係之前用微針加射頻熱力，而皮秒激光加蜂巢頭，就係淨係用激光能量囉，而且出血都唔會勁，一黎就係因為光束好細小所以打出黎既傷口都好細，而且熱力立即將血管萎縮收縮左......所以就只會立即結焦唔會再流血！
我揀Perfect Men有2個原因，其一就係佢地專做男士，所以男人老狗自己一個去美容院都唔會老尷，佢地專做男士所以好似更專業啲，不過皮秒激光就無咁promising話咩做一次療程就會好10%，就會同你講輕微粒突洞問題就做5次、嚴重啲就做10次。
不過老老實實，其實粒突洞真係死症，如果一開始就好深、或者拖得耐先去搞，就會變左面上面既疤痕，咁就好難話完全清除，但人愈老，膠原流失得愈多，啲粒突洞就會更加明顯......所以我都無傻到信佢地話咩燙平撫平粒突洞啦，就係想搵個療程keep住保養，等膠原蛋白一直生、皮膚睇落去好啲.....咁樣講，其實粒突洞真係好似固定食中藥去調理身體，無既，到左呢個歲數，總要衰一樣野，好少人唔需要為身體出錢啦呢個歲數，所以我好平常心，我條女都要為左調經每半個月去見一次中醫啦。
PM個P9皮秒激光其實無咩特別，網頁預約連資料都只需要填少少，然後會有cs姐姐打黎confirm時間地點，跟住個日準時上去就會有人招呼，有顧問去同你入房做專業皮膚分析同講解P9個療程究竟係咩黎吧啦吧啦......係有Sell，不過唔hard(可能覺得呢招對於男人黎講唔work)，我堅持一定要試做左先再睇下點，於是佢地就帶我入房開始療程。
我之前係打過激光既，皮秒激光就係比較勁、感覺比較大既激光囉，有打過激光既都知道，感覺就係似被橡筋彈，有感覺囉但未到痛，可以接受到！就係打既時候會比較嘈！
p.s.
好多人會pm我問咁究竟微針射頻有無用、Perfect Men個P9皮秒激光有無用、好唔好，去粒突洞邊個好啲？其實我開宗明義都講左，兩個都有用、兩個價錢都合理，至於你話邊個有用啲？Sorry我都無得去比較、好難去比較，基本上好似係用唔同技術做同一樣野？
我揀 P9 皮秒激光一係因為個價錢平、二來係因為唔痛，只係咁，完全無踩任何brand同療程技術既意思。
P9 超皮秒激光因為平、能量夠、真係增生到膠原蛋白撐起同改善我啲粒突洞，所以我買左Plan成為我每個月做一次既保養療程，各位巴打們有興趣可以去睇下幾銀：Perfect Men P9 超皮秒去凹凸洞療程，而各位絲打們、JM們，完美醫療旗下勁多女仔Brand都有超皮秒療程做，你地自己去research下就有！
文章定位：
