我知道入得黎呢篇睇既人就係想知道 Fotona 鼻鼾槍 有無用，Fotona 鼻鼾槍有用嗎！Fotona 鼻鼾槍功效係咪永久？我答左先：作為一個20年鼻鼾患者，而且主要原因係鼻敏感同口腔組織肥大「雙料」，我真係對於各式各樣唔同話「解決鼻鼾」既方法都好有發言權，因為我都試過好多，最後係做左手術、鼻腔消炎噴劑、過敏藥加埋Fotona 鼻鼾槍救返我！
如果想知既話就睇落去啦，我先講左我試左啲咩止鼻鼾方法先啦！
-
花王鼻呼吸膠紙 廢廢程度：爆星！超廢！
可能因為根本我淨用個鼻呼吸唔到，用左呢張細細膠紙痴住個嘴，以為可以迫到我用鼻呼吸？唔洗掰大個口？呢張細細膠紙根本無料到！完全阻止唔到我，我封住個口之後就覺得呼吸有少少困難，但我死頂.....肯定一瞓著之後就用手扯走張膠紙，每次訓醒都唔知張野去左邊，真係勁徒錢.....呢張花王鼻呼吸膠紙應該只係岩糾正小朋友口呼吸用......
-
止鼻鼾帶、下巴帶 廢廢程度：超廢！淨係用左1次！
因為每次用鼻呼吸膠紙我都無意識咁撕走，一嬲之下我就買左條止鼻鼾帶，條帶一戴左之後就好似精神病人定被人扑穿左個頭咁，由下巴綁到上頭頂，個魔術貼會喺頭頂固定......呢個應該好難扯走啦我諗！結果......結果我完全訓唔著，就算碌黎碌去，堅持攰到訓著左我都好快就會醒......可能係因為呼吸困難而醒！總之一晚醒成十幾次，咁樣唔work喎，以前醒我都可以立即訓返（即係睡眠窒息症啦）而家每次醒我都發現自己喺度扯緊個痴線佬頭箍，用左一晚就放棄左（打到呢度我自己都笑左出聲）。條帶唔平，所以奉勸各位想入手既網民三思再三思！
-
牙膠、鼻托 廢廢程度：一睇就唔買！
好簡單，牙膠即係塞個牙膠入嘴入邊瞓覺，聽講可以將下顎向前拉，最重要係唔比條脷跌落返喉嚨，聽講咁條脷肉就會令氣管收定點？仲有鼻托點止鼻鼾？好似就係將鼻鼾夾／鼻鼾托塞入個鼻入面！係呀你無聽錯，止鼻鼾就係將兩個好似鈕扣既野塞入鼻，咁樣就「物理性」咁撐開個鼻，令呼吸可以進入得更多......係，呢兩樣塞入鼻、塞入口仲要擺成晚既野，真係淨係睇都覺得好唔舒服，最後我考慮左好耐都係決定唔買！我無買到！（如果邊個試左而又work既話麻煩同我講聲或者同大家討論下)
-
呼吸機 廢廢程度：有用！但真心貴，用唔用得慣要睇運！
搞左好多野都唔得，而且我又去咩睡眠監察中心檢測過，自己真係睡眠窒息症，不過佢地好似話係輕度，唔係太嚴重，不過其實去得睡眠監察中心都預左會租或者買呼吸機架啦？不過我都租左佢地部機試下先......我都勸各位鼻鼾友都要咁做，你唔試左先，你係唔會知道自己戴住部呼吸機訓唔訓得著架！我租左一個月試下先，因為呼吸機要買既話唔平呀！
好彩，我係好運個批，因為我戴著呼吸機訓得著，而且而家啲呼吸機同以前唔一樣，唔係成個ICU口罩咁遮住口鼻，只係一行野會有兩個突起位插入個鼻到度囉，所以我都好推薦呼吸機，用左之後唔洗一晚醒咁多次，日頭精神返好多，唯一麻煩可能就係呼吸機貴啦，同埋真係要定期清理唔好麻煩，我有好多次都未用到呼吸機就訓著左，睡眠窒息症令我隨時隨地都可以訓著......
-
切割鼻增生手術
用左呼吸機之後雖然訓覺好左，但幾個月前有段時間突然呼吸好唔順暢(雖然不嬲都唔順暢)，而且仲係咁流鼻水......我鼻又痕又痛，我真係淨係可以用口呼吸，而且我聞唔到任何氣味，因為呼吸本身都太差所以個幾日我都無用呼吸機.....過左幾日真係頂唔順去睇醫生，佢話我應該唔止鼻敏感咁簡單，叫我去睇耳鼻喉專科！
Book左之後老婆就陪我去，一check竟然發現兩邊鼻腔入面全部都係增生既鼻瘜肉呀，醫生話可能係反覆鼻敏感，入面發炎又好返、發炎又好返於是搞到身體好應激，係咁增生鼻肉喎，塞住曬個鼻，於是咪鼻竇炎囉，再唔搞好佢都危險架.....於是就拿拿臨book左時間去做微創手術，要麻醉之後用激光刀去割曬啲瘜肉......要全身麻醉你都咪話唔驚！
好彩手術好快好順利，而且啲肉拎去檢驗之後都無咩野，係良性.....我先鬆一口氣咋！醫生檢查既時候話我除左鼻瘜肉增生之外，仲有吊鐘太肥大既問題......當時聽左就聽左，但就諗住手術完休養左先，之後個鼻既傷口埋得七七八八，先去搵方法縮吊鐘......
最後，我用左 Fotona 4D 鼻鼾槍縮吊鐘
上網睇左啲資料發現用Fotona 4D 鼻鼾槍原來外國人好多人用，好安全架，因為唔係手術、好似扁桃腺手術個種，一切無回頭個種！只不過係用射頻能量去「熱縮」個吊鐘，大概維持一年或者兩年度，被「縮細」既吊鐘就會生大返，但無野既，如果覺得縮細個吊鐘係work既......就可以再做！
我上網搵左一間專做男人而又口碑唔錯，好多人做既，叫Perfect Men，我覺得專做男人既會好啲囉，好似無咁老尷咁，因為我咁大個人都從來無去過美容院架！
本身因為要搞個吊鐘所以都驚驚地......但其實成個流程好短好smooth，首先就網上好簡單登記左少少資料先，然後當日去到櫃檯再拎板填多少少資料，好快就有顧問過黎Hi我同我老婆，入房之後我就好簡單交代左啲情況(我老婆搶住講我都唔洗講)，跟住就檢查......檢查完就話果然係吊鐘太大，可以用射頻能量收細佢。
既然唔係永久性既療程，做就做啦！所以就立即上馬！其實過程都好鬼快，半瞓半坐係張椅度掰大口，噴左麻醉噴霧，然後用內視鏡撐住個口、將探頭伸入個口度，然後就feel到個吊鐘慢慢變得好熱......但唔會熱到頂唔順，之後好快就同我講做完左！？
哇真係好快，懷疑前後用左唔洗10分鐘，個吊鐘除左feel到熱熱地都無咩感覺，搞到我都好懷疑究竟有無料到......但好快就發現真係有料到，首先個吊鐘消左腫之後無再係咁掂住掂住，搞到我成日想咳，然後感覺夜晚瞓覺都好左，雖然因為個鼻未完全好曬，所以唔用呼吸機住，但縮細左個吊鐘之後，我瞓覺時呼吸應該通順左好多，無再因為窒息而醒，而且鼻鼾都減少左八成.....我唔知架，我老婆講架，反而我就真係無再瞓瞓醒醒，第二日精神真係好左好多！
Fotona 4D 鼻鼾槍縮吊鐘斷唔到尾架，大概1~2年要再做，OK啦！
試左咁多方法，最後其實我個鼻鼾問題都幾嚴重，而且唔止一個，鼻瘜肉增生 ＋ 吊鐘肥大，一關過完又一關，好彩關關都有方法搞掂，所以市面買到個啲咩止鼻鼾產品、咩止鼻鼾貼、鼻鼾帶同鼻呼吸膠紙對我黎講真係太小兒科......根本廢廢地、無用。
如果你都想睇下自己鼻鼾問題究竟係咩原因，都可以上Perfect M en 睇下先，佢地會幫你檢查下睇下究竟係咩問題形成，到時再對症下藥就得！
文章定位：
