尚未設定 尚未設定

33愛的鼓勵 0訂閱站台

經過了6日的food expo以及17號的green house 聚會之後，我就帶著殘軀去英文學科聯會的O camp。

唔…我先講講我今個EN O camp的身份先la，我今次係幫手做ＯＣ的，不過要駐組架～幫下手帶下氣氛同令到d game可以公平公正咁la。

１８號我９點３就到左multi ABC，坐左陣，上返council房取回我的拖鞋之後，就正式開工la，我同ＰＫ就用架車仔推果３０個水筒上宿舍。嘩，真係好鬼熱呀，推一轉已經出晒汗。之後返落multi ABC，換左camp T，唔，件camp T又幾靚喎。等到d新鮮人黎到，食埋飯，入埋d大水彈，O camp就正式開始ＬＡ。我落返第７組坐，Suki地開左咪講野搞氣氛，但d freshmen都係比較靜d，我睇見就帶左幾句，不過見第７組既爸爸媽媽都無點帶（may be太累罷了），我都唔係太好意思…所以之後我都冇點帶氣氛了，無謂喧賓奪主la。
之後佢地玩左坦克車同食生果，我就同ＯＣ paul快手快腳咁清場，搞掂之後，我地就正式入dorm la。

之後佢地就玩advertisement game，我地ＯＣ同其中一d exco就去左set backwoods cooking既場。去到先知大件事，唔見左４個爐，又打去FMO又拾磚頭，結果都係唔得，只好８組share４個爐la。幫手分完d食物，我地d ＯＣ就走左去蛇一陣，食左個tea同去左男休度slp…７點就返左去ＢＢＱ場，backwoods cooking都差唔多完ＬＡ，同d exco玩左陣，就又要準備下一個節目。之後本應係camp fire同promotion，中間加多左個situation game。但係到左今日我都唔係太清楚個situation game係想比Kelly玩定d組仔女玩。promo加situation game之後，d組仔女都好累好殘，好彩都無影響之後既camp fire，果時係我第一次見到班freshmen真係笑得好開心。第一日我覺得自己做得不過不失la…^^

返到dorm，exco，ＯＣ，leader都要開會，講下今日既問題同明日既安排，第一日問題不少，所以語氣有點重，不過O camp一定會有d意外架la，唔好太介懷，明日做好一點便是哦～。
完左會，我地ＯＣ既工作又開始la～，就係落組玩下game la～玩左幾組，有Ｄ組都唔知去左邊，EN d 男仔都係比較靜，唔多出聲，去到remy果組，我地就推左個男仔出黎罰，要佢過另一組以個人名義請個女仔返黎，點知一開門，我地就見到阿謙，大鑊…去到第７組，見到佢地chat緊，我地講唔夠兩句，有個組女就問“你地係咪好變態架？？”……
搞到３點多，終於可以slp la～

第二朝遲左Ｄ到multi ABC，去到exco們買左d糕點比我地食，今日手氣唔多好，選左三件，有兩件都係唔岩我食既…
今日我再次落組，希望今日組仔同組爸媽氣氛會好dd，結果一如昨日…有點灰。好在今早既運橙同毛毛蟲我地都爭金奪銀，氣勢馬上返晒黎～佢地好勁，我已經管得佢地好緊，佢地都可以第一個完成，好野~ ^^ 到左估你得唔得既時候，我真正做到我想做既野，成組第７組不分彼此，享受遊戲，這是我第二次見到佢地開開心心咁笑～ ^^見佢地玩得咁開心，我都有Ｄ唔捨得走。不過接住要去全港treasure hunt，只好暫別一陣la～

到左全港treasure hunt，我同kristen要去星光大道守check point，一開始我地都唔知個check point係邊，去左找找個kioski 2先la。找到之後，諗住d組仔女未有咁快黎到，就同kristen去左星光行果面食飯先。食左一陣，阿jeff就打黎話到左，唔…咁我只好馬上跑返過去星光大道la。/__ 聽佢地講，佢地已經等左２３分鐘la…只好快d比佢地玩完就走la～佢地走左之後，自己一個人坐在樹蔭下休息一下，因為真係太熱了，汗水不停的滴在地上。組爸組仔們應該更辛苦罷…
第二組來到，我要他們加多個task，就係要佢地叫自己既組名，同讚美下身邊的朋友，大學生要學會欣賞別人ma～後來kristen買左把傘同兩支汽水返黎，thx a lot～之後做左份問卷，賺到把扇^^不久hermus打黎要我地比多d task d組仔女玩，令佢地唔好玩得咁快，我地都唔係好明點解要咁做，打去問hermus都係冇咩結果，之後只好加多d task，要佢地扮成龍同係人地同成龍個手印影相時倒d水落去。不過真係太熱，熱到kristen都有d暈，只好幫佢撥扇希望佢會舒服一點la，唔好暈呀……最後等埋阿博果組黎到，完成佢地最後一個task，見到佢地堅持到這一刻，心中暗暗佩服。
返到去，同分奇小休一會，就去幫手set營花營草既場同分飯，食完這好的一餐，就去睇營花營草了。認真了這麼久，放鬆一下自己la～營花營草的時候，大家都好放～真真正正享受了這個場合，這個氣氛，沒有因為下午全港treasure hunt太累而沒精打彩。緊張了兩天，今天我都放開心情～很開心～ ^^完左之後，開始set明日soci game既場，set set下我地就玩起上黎～又跳舞又唱歌～點解唔搞埋個disco night呢？

今晚同樣要開會，不過氣氛就好左la～有講有笑～ ^^O camp ma～開開心心係應該既～今晚早d返房，同ＰＫ，分奇，阿星chat下，之後同阿星落左組睇左陣，之後都休息lu～因為明日要早d去set水戰。

５點鐘起左身～梳洗一陣就起行。唔～exco們成晚冇slp同freshmen談天玩遊戲，加油呀！！起行時見好似有d落雨，好在最後都冇。夜行軍似的去到水戰場地，邊玩邊做，freshmen未黎之前我地已經玩左好幾場水戰～
食完早餐，就幫下手整水彈，同樣有講有笑～之後發現個場有d問題，可能冇得玩水戰，大家都好心急。好在suki同叔叔地最後都搞得掂。其間我同阿星同分奇繼續入水彈，始終都期望可以玩到水戰ma^^。入入下無聊就做起小手工來，整左個入面有樹葉既水彈比叔叔，整左三個裏面有多一個水彈既水彈比suki，kinki同kristen，不過無耐就爆晒la…

水戰不過不失地完成～遲了點開始，玩少了game，不太夠盡興。之後馬上又要搞soci game～

我要做賭場，賭魚蝦蟹，唔多人黎玩，而且有段時間police成日黎掃場，搞生意唔多好。後來remy叫我帶d錢出去搞下氣氛，我就set左二千元錫一啖同摸我上身（打橫掃一野only），之後有個女仔話除埋camp T三千元。suki就在隔離準備影相，suki行開左一陣，果個女仔就細細聲同我講“我地兩個人快手d搞掂佢la”（因為佢唔想比人take photo）。我真係比佢lee句嚇親，我好無奈咁同佢講“你唔係以為我真係有心用三千元搏你蒙呀...”結果我好無奈咁比佢錫左啖…
完左soci game，所有game都完了，大徵罰之後，一切完滿結束^^

一大伙人地城峰閣食完午飯後，ＯＣ同exco拍了最後一張照後，我們的任務都結束了。餘下的，就全靠你們了，exco們。

後記：

返到council房之後，slp左個多小時，醒來之後,處理了些轄委事務，5時出外走走時，見到eng soc exco們還在工作，忙了一整晚，在努力到現在，真想幫一幫他們，但他們說不用了…不過在那一刻，真的很佩服他們。

今次ocamp，其實也有不少得著，不但可以在入大O 之前再一次吸收經驗。另外就是認識了不少朋友，kinki， kitty， ivy，Kristen， joe…特別是kristen,之前大家都好像滿尷尬似的， O camp之後都已沒有什麼大隔膜。