大豬...豬仔...BB豬...豬豬B 幸福的一家...豬

128愛的鼓勵 0訂閱站台

今日係我第一次認真地見工, 其實我做呢份工既時候都有interview, 但係因為係有人介紹, 都有九成係會做得到架啦, 所以又無著西裝又無化粧。但係呢, 今日呢份係見治療師既工作, 而且又係send求職信去等佢叫我見o個種, 所以就係好認真既。

見工係十一點, 我九點四起身, 著好套西裝化左個淡粧係九點九就出左去啦。係十點七左右我就已經去到樓下, 又唔想咁早到喎, 就去M記坐下飲杯野。其實我當時都几緊張架, 話曬都係第一次見工, 而今次呢個機構做既野係我之前實習無做過既, 所以我都預左佢唔會請我。不過係去見下拿個經驗咁, 但係就算咁諗都要做下功課唔可以比人兮落(其實都唔會既我諗, 不過盡左力, 就算唔得個心都好過丫嘛^^), 所以前日都有讀過書做過資料搜集既。

過左一陣就上去啦, 上到去見到一位同學, 佢個樣好似几緊張咁。其實我都係架, 個職員叫我拿d 證書既時候我都有d手震。之後我個同學就入左去in啦, 我就坐下睇下刊物, 呢個時候心情輕鬆左好多, 跟住十分鐘左右就到我啦。

入到去既時候佢就開始問我而家做既research 工作係做d咩, 咁我未等佢講完我就一輪咀咁講曬出黎, 跟住我同佢講想轉工係因為想對人多過對住data, 當然我話paper work係好重要, 如果有機我都想start一d research 云云。

係呢個時候佢就問我如果唔做而家份工要几時通知, 我諗咁可能係有d機會, 但係亦都覺得佢係例牌要問下。之後佢就講份工係要做d咩啦, 佢一講, 我即刻好失望…因為佢話雖然個名係做治療師, 但係主要工作都係要做research既data analysis, 跟住就問我有冇興趣。我講左d遊花園既野, 令佢覺得我係有興趣既…即使我個樣係冇咩興趣。

係佢講完返工時間同薪金之後, 佢再問我一次我有冇興趣, 我居然不自覺地講左句好大牌既說話:「我會考慮下。」所以今次見工都係食白果架啦。嗯…事後檢討得出既結果係: 要深思熟慮, 為自己留有餘地, 面面俱圓, 唔想做都唔可以比人知道。今次都有d得著既hehe^^

見完工之後就返醫院啦, 老細見到我都問我見成點, 仲問我有冇機添(好攪笑呀呵? 佢居然知我要轉工, 係架, 因為MPhil要到五月我話要搵工丫嘛) 跟住佢就望住我話:「噫靚女左喎, 化左粧係靚d喎, 哎真係唔公平呀, 點解你初初黎見呢份工唔化粧既…」我都唔知點答佢, 就好不智咁話有人介紹架嘛, 而家搵食艱難呀咁。佢就講:「出左黎做野搵到錢識扮靚, 大個女啦!」我真係有d激氣…就問佢乜我唔化好差咩(其實個樣係差唔多架, 係著左suit唔同d之嘛>.<)…佢就淨係識笑唔答...激死人啦!!!

係咁, 我既「第一次」認真既見工故事就完啦。有冇下文? 兩個星期通知喎…不過邊有可能第一次就得丫? 今次發覺自己可以唔驚已經好好咯^^呵呵呵