24h購物| | PChome| 登入
2002-10-05 21:08:01| 人氣158| 回應0 | 上一篇 | 下一篇

雜談功夫片(二)

推薦 0 收藏 0 轉貼0 訂閱站台

至於<雜家小子>,呢部戲o既基調同「三毛」響七十年代尾同麥嘉、劉家榮合作拍o既一堆「光棍佬」電影,內容不外乎係講一對沙Ð兄弟點樣周圍「摑籠博矇」,當中穿插有打有笑o甘樣。其實承啟一向對呢種戲都無乜好感,睇過三部:<老虎四雞>、<咸魚翻生>同<搏命單刀奪命槍>,三部都係由上述洪、麥、劉三人主理,感覺上三部戲都差不多,好易令人「撈亂」,而且無乜翻睇價值。因此當<雜>片一開場講元彪、梁家仁兩兄弟去「昆水」時,承啟就知道又係o個D「撚o野」。

不過正所謂「有強姦 無局賭」,睇悶戲好過無o野做。最近甚至有時上上o下堂或者同人面對面相對無言時(承啟唔係「逢人Friend」,唔鍾意你就直情睇你唔到,確係o甘串),都會忽發奇想不如「飛的」返屋企睇VCD,好過留在原地「獻世」。並非承啟拒絕與人溝通,但係溝極唔通又的確令人氣頂,試問唔o岩咀型又點同聲同氣?可能承啟為人太「臭檔」兼高深莫測,所以同好多「所謂朋友」一向「疏過疏唐」,除o左偶然「撞手神」同人有少許心靈接觸外,基本上閒日都係除卻「狗0翕」就無乜兩句,其他日子更係勞燕分飛,你死你事。不過,承啟亦樂得如此,總之係朋友就唔使講o野,唔係朋友就講乜都無用。

唉,點解承啟好o甘「興」呢?係有原因o既。因為承啟有一位「舊朋友」,之前同承啟講o左D支持承啟的說話,話會無限量支持承啟同小弟所做o既o野,等小弟差D想入非非;但係原來呢條友係「流」o既!口講欣賞,但係無論o係任何方面都無幫過小弟!承啟唔係介意其他人唔幫手,但係既然閣下係口講口賠,o甘就不如一開始就慳D啦!反正大家都只係普通朋友,又何必煞有介事製造混亂?對呢條友仔,承啟一於施展最高境界---表面對佢笑嘻嘻,然後「暗坎」「妖」佢!

對唔住,一時氣上心頭搞到離哂題,下次會重上軌道,講番功夫片。

(待續)

我要檢舉
台長： 承啟
人氣(158) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文