昨晚一眾女友人，無厘啦位去左銅鑼灣一間上樓咖啡店度玩塔羅...
原本打算”每人一問”，以塔羅占卜方法，間接地以第三者口中，打聽各人既姻緣前程！一方面，可以滿足各位八卦友人既八卦心理，另一方面，我們也可從這些不知可不可信的占卜結果中，作勢拿著友人的”痛腳”，互相逗笑，互相踢爆，嘻嘻哈哈的過了一夜...
點知，一係唔玩，一玩，當友人甲得知占卜費用要五十元時，她便抱著一個極端認真的態度，苦苦思索及組織一堆詢問占卜師的問題，最後，她的問題，全都與感情無關，認真占卜下問出的問題，都關於友人的前途，錢途，事途等問題...
占卜師一邊占卜，一邊聆聽這一檯一共四女女士的談話內容！當我們互相挖若時，互相踢爆時，互相拿對方開玩笑時，占卜知都一直在旁，邊占卜，邊嘻嘻哈哈的與我們共同地大笑...
當大家都覺得占卜師為人很nice，很kind時，占卜師卻突然煞有介事咁，話要改變我們這一檯四位女士求偶的看法...
（以下為女占卜師之用語，語言上可能略帶歧視成份，若有讀者因聽了女占卜師的言論而感到不安，本人緊始至歉）
這位女占卜師係咁講既："唔係話咩呀，但係男人真係就好似狗咁賤，佢地係要女人教要女人Train至識得點做人架！女呀！而家一街都已經係ｄ唔合格同有問題既狗（男人），如果你做主人（女人）既唔想一世冇狗陪既話，你要0係你仲後生果陣，拿拿林係街度見到邊隻狗，似似地正常既，就拉返屋企學下點Train佢，你Train 狗Trian 得幾次，你就知道第時點樣同隻狗相處...如果妳地後生果時都唔主動，開度閘引ｄ狗入黎你屋企俾你Train下既話，咁第二時當你諗起要搵狗倍既時候，街上面就剩返ｄ又老又病又殘既唔合格，同有問題既狗架...！"
"（搶白）喂！...之但係"閘"，係唔可以亂開架喎！”我答！
”拿，你咁諗就有少少問題勒...好似我咁，我十八歲識我男朋友，我地到今年為止，已經拍左八年拖，而結婚對像大家都認定左係對方...但係未結婚之前，其實我同我男朋友都有個心結，事關我同佢呢段八年關係，其實大家都係初戀黎，所以我有時我會諗：我係咪要0係決定結婚前，放下我男朋友出去，望下個世界呢？或者我都要試下Train下第二隻狗之後，先返黎同佢結婚呢？如果唔係，大家一出世，好似我個身體就靜係俾我男朋友掂，佢個身體好似靜係俾過我掂咁，咪好”悶”..."
"悶？喂！呢挺”初戀就可以私守"愛情，乜唔係最理想，最崇高架咩？點會悶呀？”我反問
”咪係！你縱然拍左十次拖，到左第十一次至搵到你要同佢長相私守果位，咁唔代表你既愛情道路比任何人都成功喎，咁只代表你擁有左十次失敗既經歷咋喎..."友人乙補充道！
女占卜師聽後，靜了一靜！
友人丙打完場地道：”（占卜師）咁都唔係冇道理既，唔一次過咪...試兩次囉！”
說罷，眾人又是一笑...
文章定位：
