潛水國際化既定義
自從小芹話要做dive master之後, 我第一時間上網去搵下香港究竟有冇相關既潛水課程, 或者做dive master喺香港究竟有冇出路...
點知一唔搵, 一搵就發現香港有好多潛水訓練課程同潛水地點, 仲要間間既教學質數, 一d都唔俾澳洲差, 就課程內容睇, 玩下手香港導師可能仲教得好少少...
雖然係咁, 但就價格上, 喺澳洲學潛水都係平過香港, 不過唔係平得好多, 同一個課程, 澳洲要俾350AUD, 但香港要俾500AUD... 點計, 香港都仲係貴澳洲33.3%
不過要計既話，喺香港學潛水唯一唔好既地方, 就係佢地既教學語言主要係中文, 搞到個課程一d都唔國際化, 就算俾你拿到個國際認可既dive master牌,其實你都唔會識得點樣喺香港以外既地方教潛水...
好似我同小芙咁，我地會話自己學既係”SCUBA DIVE”, 但就唔會話自己學緊既係”水肺潛水”，我會話自己想買件”BCD”同”wet suit”，但唔會話自己買件”浮力控制衣”同”濕潛水衣”，我會話小芹做緊”Dive Master Trainee”，但唔會話佢做緊”水肺潛水主任學員”or”水肺潛水長學員”咁， 而我會話：臨離開”Great Barrier Reef”前，我想去潛下”wreck” 等等等等...
原來scuba dive叫做”水肺潛水”
BCD叫做”浮力控制衣”
dive master叫做”潛水長”或者”潛水主任”...（我prefer 自己個譯法, 叫做潛水大師反而生鬼d）
wreck就係... 我都唔知佢地點叫...
冇錯！喺香港學潛水最唔好既地方就係喺呢度！由於喺潛水界別，有好多專用字，無論你學中文定英文，你都係要重新學過．．．
但學英文version 既, 你一學就學左個全世界都知你講乜既字...
但學中文version, 你會學左個,只有香港人圍內至明白你講乜既”暗語”...
當我一咁諗, ”潛水牌”呢個咁受國際認可既資格，正因語言障外，變成一Ｄ都唔國際化．．．
因此”國際化”講到尾，最主要都係一個字：英文!!!
呢個係鐵一般既事實!!!
正所謂一粒微塵可觀世事，其實相同既處境一樣發生係香港既母語教學度...
香港之所以要用英文（書本）教學，最主要係香港乃一個國際大都會，香港人要維持自己既競爭力，commerce, economics, accounts...呢ｄ 科目全部都包含大堆商業界別既專用詞，而呢ｄ專用字，點都要學返”原廠”．．．
其實喺香港既人力競爭市場上，總有成籮成籮人擁有ｄ乜乜物物國際認可証書及資格，但由於當初係用”母語教學”既關係，當呢批人一攞佢地ｄ 國際認可”cert”走出香港以外既地方，d ”cert” 立即”香港化”左... 其實叫得做”國際”, 最好都係廢學中文version, 以學英文version代替之...
用中文學”國際資格課程”, 情況就好似林平之係未自宮前學既”辟邪劍法”一樣...
”辟邪劍法”本身，的確係套厲害劍法, (你個課程可能d知識的確好堅!) 但要講到點樣至發揮到張cert 上面”國際”二字既威力, 其實就係要先揮刀自宮!! 只要大家一日唔自宮，(唔放棄用中文version學”國際知識”), 咁套劍法再厲害，佢既真正力量(”國際認可資格”)係永遠發揮唔到出黎既．．．
好似香港d 潛水教練咁，（我指講中文果隻），真係數埋數埋有成籮... 潛水教練要喺競爭中勝出, 唯一出路, 就係學好英文，咁至少，你既競爭力，可以上升到去國際水平，而唔係教來教去都係幫班只係識廣東話既香港老闆／消費者打工...
要走出香港, 拿一個國際認可既教練牌之外，更重要既，係對方相信你可以用當地既語言教到潛水．．．
而係世界上，最多地方，最多唔同人種用既”當地語言”，正正就係英文！
我唔係話中國人唔應該學好中文，我只係應為，英文作為”第二語言”，which is 同一眾歐洲國家如：荷蘭, 德國, 法國等地相同.....英文喺香港被受重視既程度，理應高於現在百倍...
(三之三)
文章定位：
