沙漏的凝視 文學、藝術、電影...的雞尾酒，跨領域思維提煉鑽石閃爍的光芒。質疑權威、既定結構，反省與批判的辯證，永遠的左派不在岸上，在變動的流水中.... 蕃薯藤部落格： 「沙漏的眼神」http://blog.yam.com/02pen/ 自由部落： 「人間最後的花園」http://blog.libertytimes.com.tw/penland/ 遠流部落格： 「人間最後的花園」http://blog.ylib.com/penland

533愛的鼓勵 1訂閱站台

懇致第一屆鄭福田生態文學獎主辦單位：


近日接著貴主辦單位通知，個人的台語現代詩作〈心內樹〉經過評審得著優選，個人非常感謝貴主辦單位佮評審的厚愛。

毋閣，個人上網路參看貴主辦單位發佈的消息，才知評審名單內容所聘請的三位台語詩評審，亻因[in]本身佇寫作經歷上，主要攏是以北京語寫作為主，佇台語文學的寫作上，毋是無啥物成果，就是長久已經失去台語文學寫作熱情。

佇北京語殖民語言下的台語現代文學寫作，本身存有一定的認同家己文化的精神。假使祇要會曉講台語的作家攏會使來做台語文學的評審，按呢台語文學寫作基本上已經失去推展伊語言文學獨立性佮主體性的必要意義，而且也無法度說服、鼓舞閣較濟的台灣少年輩作家，長期投入展現家己族群聲音的工課，成做認同家己文化的人。

個人因為佇知影評審名單後，產生無法度認同台語詩獎佮評審人員結構的無合理現象，所以懇請貴單位除去本人的得獎。多謝。


陳秋白　敬上

2009/10/1

註：
因為這个文學獎的結果，佇主辦單位通知我的時陣就已經佇網路公布，為避免已經對網路知影這个消息的台語文學友志的疑問，所以我也佇遮公開我拒絕入選的理由。〈心內樹〉是我預定欲完成的一本台語詩集的冊名，這張聲明以後也會綴我的詩的發表佮日後詩集的出版刊出。

標籤：台灣文學, 台語現代詩, 現代詩, 陳秋白

http://taiwanliterature.ning.com/profiles/blogs/ken-zhi-di-yi-jie-zheng-fu