24h購物| | PChome| 登入
2016-12-22 21:51:31| 人氣556| 回應1 | 上一篇 | 下一篇

有無公雞？

推薦 0 收藏 0 轉貼0 訂閱站台

喂一唔一齊食飯呀？
食呀。你今日要唔要返工？
硬係要返啦！唔返工都唔會約妳食飯啦。
我都係，我唔返工都唔會同你食飯。
去了一間他和朋友去過的小店。主打住家餸。我說我想起他用電飯煲煮的咖喱雞飯，好懷念。
等了好久才出餐。差不多食完，狹窄的小店只剩下我們和另一位客人。
因為我食剩了雞翼尖，他說對了雞翼尖有激素。
整隻雞都有（激素）的啦。
公雞就無囉。
咁你點知佢公雞定母雞？
問下老闆娘咪知囉！
邊有人咁問架。他真的做得出，服左佢。
老闆娘正在收拾其他桌上的東西。
老闆娘！
係。
呢d係冰鮮雞定新鮮雞呀？他開始了。
冰鮮雞。嘩新鮮雞邊做得切呀！
咁係母雞定公雞呀？
邊有公雞你食呀！公雞好貴架。唔係我地唔整呀，人地都唔會入俾你呀！你去大陸食都全部係母雞架。
老闆娘好詳細解釋了為甚麼沒有公雞食。最後她的總結是，無計啦，公的都很矜貴嘛，人都係啦，你睇我做到隻嘢咁，又要工作返屋企又要洗衫煮飯督住細路做功課，打幾份工，我都想唔做呀，我老公就唔洗做啦，連我出去旅行幾日都打電話嚟問我幾時返話無人同佢洗衫。d公都係咁衰架啦！對唔住我唔係話你呀！
你縱壞佢呀。他說。
唉以前請工人呀嘛！
等你d仔長大出身咁妳咪可以舒服囉。
聽說老闆娘大仔都廿六歲我們都說睇唔出啊看上去好年輕啊，她笑說你倆個咁講都仲係要俾錢架餐飯哈哈哈。
唉我同你講宜家的細路唔同我地果代人啦，現在的細路其實係越來越自私，佢地出來工作呀唔問父母攞錢已經夠好啦，我唔望佢地俾錢我用呀，以前？！我掙幾多都全部俾晒呀媽，以前的父母都很無私。但現在的細路很自私，他們出街食飯唔貴唔食，點解呀因為知道係阿媽俾錢呀嘛，以前我地買咩嘢都睇價錢先，宜家佢地要父母買俾佢地好似老馮咁！因為他們自私也教識我要自私，現在我會對自己好，時代唔同啦。
之後老闆娘又說到體力不夠將來湊孫咪搞。我生完你地我的責任完啦仲要同你湊？又說現在的細路都是工人帶大的，工人帶出來的小朋友不一樣。

我在想，那不是惡性循環嘛。老人家不想幫自己的孩子帶他們的孩子，然後雙職家庭唯有請工人，＂工人帶出來的小朋友不一樣＂，他們與帶大他們的人是賓主關係，是金錢關係，長大後他們不會感恩，又或會以為用錢就可代表對父母的愛和回報，然後父母說孩子的自私教曉他們也要學會自私，他們也不會為他們帶孩子。
老闆娘說有人問她點解唔生個女呀，女兒比較窩心。
咪一樣，你點知個女嫁得好唔好呀，最後咪又好似我咁做到隻野咁！
唔好意思呀因為你提起公雞我就講呢d，我個人好直架。唔好意思......
老闆娘真的很好嘢。

因為公雞的問題。我們又講澳門經濟又講兩代人的代溝。
有時跟他食飯就是有趣。他常常喜歡與那些陌生人搭訕說些有的沒的的話。
其實我們都很喜歡這些關係，同老闆娘或者清潔阿姨搭訕閒話家常一下。
他說人要看出一個人的人品，很多時要看他怎樣對待那些與他毫無利害關係的人。

我要檢舉
台長： 脆肉鯇

您可能對以下文章有興趣

人氣(556) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 隨筆 |
此分類下一篇:寫於2016平安夜
此分類上一篇:從焦元溥法律人的音樂夢所想到的

我要回應
通通
哪一家小店咁🈶️趣？
2016-12-23 09:11:09
版主回應
在崗陵街,哈
2016-12-23 21:42:16
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文