今日開始補一個新0既小朋友lu~~~
佢好可愛0架~~~佢一見到我就好開心喇~~~0係度跳跳下~~
其實佢真係好乖...好聽話...
可惜記性就好差...呢頭教呢頭唔記得...所以考全班第尾...
所以我好有耐性咁教佢0架~~~
我好鍾意佢0既原因都有另一個...
佢見我咳0左幾聲...佢就話「姐姐你病呀?你個鼻好塞咁呀...有無睇醫生呀?病向淺中醫呀!」
之後佢就擰0左一盒紙巾俾我...
所以呢...而家補習都幾happy 0架~~~
除0左教識人有滿足感外...0的小朋友同佢0的家長都好好人添~~
例如煲0左湯會俾我飲啦~~~見我病就擰0的藥俾我食啦~~天氣熱...我一0黎到佢0地就0係房開冷氣叫我0地入去補...佢自己就0係出面捱風扇~~
有時真係熱情到我都有少少唔好意思~~
除0左有一個講野蚊之咁細聲之外...其他都respond得好快同都幾醒下~~~
所以我份工真係幾「他條」~~
不過有時都幾激氣...
唔係因為0的細佬...係因為0的老師~~
我終於明白點解而家0的人成日話香港學生0的standard 跌緊...因為老師0既standard都跌緊~~~
今日睇住個細佬份功課...個老師寫「始終」寫0左「此終」...my god~
之後有個細佬將「upon」...讀做「up on」...
最攪笑係下面0個段有「up on」...佢讀0既時候個分別就係「upon」讀得快0的...
另外個「while」都讀得好奇怪...我真係哭笑不得...
我教佢正確讀音...佢又唔信...係要查快譯通...
最後of cos我0岩啦~~~之後個細佬話「個老師仲叫我0地讀幾次0架~~攪錯」
唉...而家0的老師咁...仲成日0係度抗議基準試...好心佢0地檢討下自己先講啦~~唔係差到咁政府會唔會無聊到要咁做先~~~~
呢幾日病0左~~~~
連阿平0既阿哥都話呢0的時候最容易俾人乘虛而入...仲鼓勵我接受另一個人0既關心添~~
哈哈~~~~係0架~~~不過係會接受另一個人0既關心...而唔係俾人乘虛而入wor~~~
um~~0係度多謝'佢'包喉糖先~~^^
其實0個日我講鍾意低b豬係無咩特別意思0既~~
只係我唔想有人誤會我0個陣係因為同bf唔happy先咁做or俾人覺得我為0左拍拖而拍拖囉~~~~
我唔like 玩弄人感情
因為我知道你玩人...始終會有一日俾其他人玩返~~
喂~~聽到未呀~~唔好再咁講我呀~~><
文章定位：
人氣(19) | 回應(0)| 推薦 (
0)| 收藏 (
0)|
轉寄
全站分類:
不分類
