24h購物| | PChome| 登入
2004-11-11 18:57:17| 人氣65| 回應0 | 上一篇 | 下一篇

隨想1111

推薦 0 收藏 0 轉貼0 訂閱站台

我一直好好奇一樣野:

自從美國太空人踏足月球之後, 科學家們就繼續打算去得更遠,

木星, 火星好似都有計劃過... ( 後來有冇去到我唔記得 )

唔知幾時有人提議去d 好遠好遠, 距離地球唔知幾多光年既地方,

即係一來一回郁下都花上百年既時間去完成既星球.

試問一個正常人, 長命極都係一百歲,

俾夠你二百歲, 都未必可以去到哥d 遙遠既地方,

就算去到, 上百歲既老人家, 行步路都腳震, 俾佢去到又有咩用?

所以有科學家話, 將個太空人凍結, 將佢既新陳代謝速率減到最低,

咁樣的話個太空人話唔定可以係經歷漫長既旅程, 係到達目的地解凍之後,

身體機能都係同出發前差無幾, 咁就可以以良好既身體條件完成佢既任務...

講係咁講囉, 不過我真係好好奇, 一個人係被凍結左咁耐時間之後,

其間一直昏睡, 對外間既刺激冇反應咁"存活"住...

可唔可行我就唔知~

但係我有另一種想法--科學家可唔可以搵到一個方法,

只係凍結住一個人既感情, 而唔係身體.

當然, 可以局部性咁去凍結無疑係更理想。

試諗下, 一份感情係你認為佢唔應該存在既時間存在,

而你又唔想抹殺左佢, 只係時間唔o岩而已.

你可以將份感情凍結住, 等到時候o岩啦, 再將佢解凍.

解凍之後, 雖然歷久, 但仍然如新.

係解凍之前一直過住同平常一模一樣既生活,

而且, 可能會比平常過得更好.

因為感情已經被凍結,

唔會再在意人地對你既冷漠--已經係最冰冷既處境, 仲會感覺到其他嗎?

唔會再執著係人地心目中既位置--已經被凍結, 係沉睡既時候呢d 野仲有意義咩?

如果真係可能的話,

我真係想試下. 試下將我自己既感情凍結...

等佢可以一直昏睡咁繼續"存在",

直到一日, 有一個人可以用佢既溫暖幫我解凍~

要不然, 以後就俾佢用冰封既狀態存在吧啦


我要檢舉
台長： Zak

您可能對以下文章有興趣

人氣(65) | 回應(0)| 推薦 (0)| 收藏 (0)| 轉寄
全站分類: 男女話題(愛情、男女、交友)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文