今日一早係度諗著裙仔定係著褲返工好，攪完一大輪，遲左成三個字先出門口，最終都係著牛仔褲，好causal咁返工=.="
到左公司樓下，照平常一樣去金基買早餐返公司食，順便望向順豐，睇下見唔到亞邦，又係見唔到，佢調走左之後，都冇一朝見過佢，但係今朝連亞熙都不在。返到門口，見到Kitty係度，我就"拿拿林"去開門，埋位坐低冇耐，感覺有人係我側邊，我一望，係亞邦同佢新同事，哇~ 其實我好開心見到佢，但係我係似冇表現出黎，真係失敗，原來亞熙今日放假，頂佢一日，所以今日會係宏達，yeah~!
到晏晝落樓下落信，心諗會唔會見到佢，yeah! 係見到，但係佢訓梗，不過當我行返轉頭，佢又醒左，仲食我d糖，hehe~ 我發覺佢地都幾鐘意食糖同朱古力，係收件時又問我有冇金莎，真係想講，你食完係咪會摺返朵花俾我先，係ge話，我成打俾你食又如何!!
不過，今日可以見到佢都好開心，但係我嫌自己對佢笑得好少，um...........下次我一定要對佢笑多d!
文章定位：
