Dec 26, 2004
尋日竟然只係訓．．．
不過今日補返，因為去睇「功夫」！！
四點半出到城市，見的地當然係「市場城市」o個間Reading Cinema。
好唔明，雖然係聖誕，但係d舖頭八成都係冇開．．．更唔明點解冇開條街都係咁多人．．．R爆頭都唔明．．．
黃金檔期都唔開，d bar同K又四點就收，究竟我係o係一個乜野國家．．．？？
去到戲院見到Jer Jer同Joyce，佢地睇九點三。本來我地諗住睇五點三，不過爆晒，所以就睇七點三。
因為仲早，所以就o係機舖hea左陣，之後就過左「中國市鎮」hea。途中撞到占士同佢屋企人買雪糕食，真係好橋．．．
去左Y2K度飲野，雖然d野飲唔錯，不過d野食就．．．一定唔會再去。
全日戲玉終於都到啦！！因為不設劃位既關係，加上之前見到五點三o個場勁多人排隊，所以我地早左九個字去！！已經有人排緊．．．好彩開場前早幾個字就放人入去。
阿烽買左包爆米花，不過唔好食，淨係得d盬味，完全唔香！
間院幾唔錯，比想像中好，只係唔知點解張櫈咁多爆米花．．．
睇完既感覺係－－超正！！！！
一如早前聽聞，周星馳既戲份好少，笑位都o係d配角身上。好多人將佢同「少林足球」比，話少好笑d，功就好睇d。
我唔識咁樣比較，只係睇左少不下四次都係咁好笑，而功一完場就想即刻睇多次。
包租公同包租婆真係正到癲左．．．開場冇耐元秋掉元華落街已經正到爆！！之後元秋追周星馳o個幕又係正到拍晒手！！！！
好似劉偉強咁講，o個幕如果係其他導演拍一定俾人鬧到咩咁，但係周星馳就係拍得到！！
醬爆繼續正爆，竟然可以不斷露股同通街痾屎．．．算唔算係為藝術犧牲呢？仲有哨牙珍．．．全部綠葉都係經典！！！！
最估唔到既係，(Spoiler！！)原來元秋同元華係楊過同小龍女．．．．．．笑到癲左．．．
結局設計上雖然唔係新野(唔記得o係邊套戲睇過)，但係都幾好feel。
之前期望超大，睇完直頭拍爤手！！！！周星馳果然唔會令人失望！！
因為太正，所以睇埋credit先走，不過有個阿嬸掃住地咁話「先生，散場喇！」．．．有病．．．
散場o個陣特登搵阿Jer Jer同阿Joyce，俾包爆米花佢地。見到d人排隊排到癲左．．．呢個時候竟然撞到大衛，佢又係睇九點三。
由此推論，所有o係澳洲既香港人都會睇「功夫」！！Yeah~~!!
文章定位：
