Dec 24, 2004
隻蟑螂仲未死。
今晚本來去睇功夫(竟然有得上！！)，不過占士叫去佢度食飯，因為佢屋企人黎左澳洲。
o係佢樓下買左個西瓜上去，haha~~
佢屋企人好客氣，攪到我地食到超飽．．．最正有魚生同蟹！！臨走仲食埋個Cheese-cake．．．
hea到十二點左右就出左城市。諗住唱K，綠色的盒子同K-mix都冇位，最後就去左大迴音。不過要兩點先有房，咁就去左Maloney's hea。
澳洲果然係醉酒佬既國家，周圍都嘔到咩咁．．．>.<"
呢個時候我終於忍唔住要爆，就過左隔黎間老麥。
因為環境惡劣，我唯有先鋪大量廁紙o係地下同廁所板上面，不過都係唔敢坐落去。爆左一野．．．因為用左勁多廁紙，我驚沖廁會塞，所以好賤格咁就咁走左去．．．
我真係覺得d水瀉晒出黎會仲衰．．．
洗緊手o個陣有個鬼佬想入去．．．
o係bar度hea左一個鐘左右，玩左一鋪非洲話事pair，結果占士輸左！！本來既懲罰係拎住杯野飲同後面個肥妹講Merry Christmas，不過占士唔肯，改做借火又唔肯，請我地飲野又唔制．．．最後係同隔離個鬼佬借火！haha~~
帶左相機都冇乜機會影，結果就影阿烽扮食煙！仲要係借火點個支．．．haha~~
估唔到入去唱K之前要好似過關咁check．．．
因為冇車既關係，本來諗住唱一個鐘就走，不過妍妍突然想"wing"，咁就加多個鐘。不過占士要早起就走先。
好唔明點解呢度d K同bar會係收四點．．．
去到巴士站發覺七點先有車，咁就去左廿四小時O個間老麥食早餐。
食完都仲有排，咁就去左隔離間netcafe hea．．．咁大個仔第一次去網吧．．．
成三蚊個鐘，上網唔見得特別快，又唔包野食野飲．．．
結果o係度同太后ICQ．．．
文章定位：
