July 1, 2004
買完碟之後就返左屋企睇碟，選擇係Monster, Inc.
PIXAR作品我最愛呢套，尤其愛其結局，超感人。
之後就去左塘夏買衫褲。舅父之前只係去過一次，但係d salesman好似當佢熟客仔咁。其中一個女人超多野講，話左自己睇得喇，佢偏要煩住你，仲要撩你傾閒計o個隻。
點呀？我怕醜又關你乜事呀？我咁怕醜你仲撩我講野？！又點呀？o個個係我阿嫂又關你乜事呀？我同我舅父似樣就係兩兄弟架喇？你冇野呀？！香港人有禮拜又關我乜事呀？？
好明顯佢係一個bitch‧‧‧
之後我去買拖鞋，諗住返到澳洲返學著。HeHe~ 不過睇唔o岩。
o係一個大型百貨公司度見到好多飲品都係過晒期，咁大個場冇奶油都係咁架？唔通真係製造日期？！有冇人可以答到我？？
跟著就去左一間餐廳食飯，都幾好食。
舅父臨時要返公司，所以我地就自己搭車返羅湖。
走之前'手羅'埋隻Lost In Translation落黎，好彩冇俾海狗check。
呢晚本來約左太后同馮景食糖水，不過馮景o岩o岩去完71，我又好'支力'，所以最後都係冇出到黎。
返屋企前o係皆旺行左轉，諗住買星矢套聖衣箱蛋，可惜已經收晒舖‧‧‧
返到屋企即刻睇新聞，知道今次有53萬人，好開心！如果唔係返大陸既話，我一定去！見到真係十個有九個都著白衫，真係好勁！上年都係唔係好多黑衫，今年冇去到真係一個遺憾，呢個遺憾唯有由Naruto填補。
文章定位：
