July 1, 2004
訓左四個鐘就俾阿哥叫醒左。
訓左成晚部冷氣都唔凍，所以起身都唔係太辛苦。
十一點零國華舅父就黎左接我地去飯飲茶。
因為舅父而家o係大陸做野，而且住附近，所以上黎之前已經約好左今日出去。
繼續係食左勁多野，算唔錯，舅父埋單。
跟住就過左尋日買碟o係兩間舖度。好彩佢地早左返貨，我終於都買到我既Naruto。之前一直都未睇過，過到去澳洲個個都話好睇，咁就買黎睇下。
想買埋星矢黃道十二宮，之前download左，不過質素太差所以冇睇。
點知套碟係十二宮之前既野，畫面核突，對白又有delay，所以冇買。
o係大陸買碟既其中一個好處係有得試睇。試幾耐試幾多隻碟佢都冇所謂，我直情'手羅'埋個remote control自己試。
本來想買埋Slam Dunk，不過驚太多過關o係陣麻煩，所以都係留返下次阿哥上黎先買。
經過一輪唔算講價既講價後，埋單都平左少少既。
套Naruto 16隻DVD本來要百五，最後大約百三K.O.左。
估唔到舅父都變左兩步路都要揸車既人‧‧‧
文章定位：
